LIVRE I, CHAPITRE LVlü
■jfi8
Ainsi sera en peu d’heures rangée A triste estât, et si souvent changée Que mesmes ceux qui tenue l’auront.
Aux survenans occuper la lairront.
Lors sera prés le temps bon et propico De mettre fin à co long exercice.
Car les grands eaux dont oyez deiviser .
Feront chascun la retraicte adviser : '
Et toutesfois, devant le parlement, ^ -
On pourra voir en l’air apertement
L’aspre chaleur d’une grand flamme esprinso, •. -
Pour mettre à fin les eaux et l'entreprinso.
Reste, en après ces accidents parfaicts,
Que les esleus joyeusement refaicts Soient de tous biens, et de manne celeste;
Et d’abondant, par recompense honneste,
Enrichis soient. Les aultres en la fin Soient dénués. C’est la raison, afin Que, ce travail en tel poinct terminé.
Un chascun ait son sort prédestiné.
Tel fut l’accord. O qu’est k reverer Cil qui en fin pourra perseverer !
La lecture de cestuy munutnent parachevée, Gargantua souspira pro* fundcment, et dist es assistans : « Ce n'est de maintenant que les gens reduicts à la créance cvangcUque sont persécutés. Mais bien heureux est ’ Cluy qui ne sera scandalisé, et qui tousjours tendra au but et au blanc que Dieu par son cher filz nous a prefix, sans par ses affections chamelles estre distraict ny diverty. » Le moine dit : « Que pensez vous en vostre entendement estre par cest énigme désigné et signifié? — Quoy? dist Gaigantua, le decours et maintien de vérité divine. — Par sainct Goderan, dist le moine, telle n'est mon exposition : le stille est de Merlin le prophète ; donnez y allégories et intelligences tant graves que vouldrcz, et y ravassez, vous et tout le monde, ainsi que vouldrez. De ma part, je n'y pense aultre sens enclos qu'une description du jeu de paulme sous obscures paroles. I.æs suborneurs’ des gens sont les faiseurs de parties, qui sont ordinairement amis. Et, après les deux chasses faictes, sort hors le jeu celui qui y estoit, et l'aultre y entre. On croit le premier, qui dit si l'esteuf est sus ou sous la chorde. Les eaux sont les sueurs. Les chordes des raquettes sont faictes de boyaux de moutons ou de chèvres. La machine ronde est la pelotte ou l'esteuf. Après le jeu, on se refraichit devant un clair feu, et change l’on -de chemise. Et voiuntiers banquette l'on, mais plus joyeusement ceux qui ont gaigné. Et grand chere ! »
