LIVRE II , CHAPITRE V
la'i
et l’amphithéatre de Nismes, en moins de trois heures, qui toutcsfois semble eeuvro plus divin que humain ; et vint en Avigpon, où il ne fut trois jours <iu’il ne devint amoureux : car les femmes y jouent voluntiers du serrecropiere, parce que c’est terre papale.
Ce que voyant son pédagogue, nommé Epistemon, l’en tira, et le mena à Valence au Daulphiné; mais il vit qu’il n’y avoit grand exercice, et que les marroufles de la ville battoient les escoliers : dont eut despit, et un beau dimanche que tout le monde dansoit publiquement, un escolier sc ■voulut mettre en danse, ce que ne permirent lesdicts marroufles. Quoy voyant Pantagruel, leur bailla à tous la chasse jusques au bord du Rosne, et les vouloit faire tops noyer ; mais ilz se musserent contre terre comme taupes, bien demie lieue soubs le Rosne. Le pertuys encores y apparoist. Après il s’en partit, et à trois pas et un sault vint à Angiers, où il se trouvoit fort bien, et y eust demeuré quelque espace n’eust esté que la peste les en chassa.
Ainsi vint à Rourges, où estudia bien long temps, et profita beaucoup en la faculté des loix. Et disoit aucunesfois que les livres des loix luy sembloient une belle robe d’or, triomphante et precieuse à merveilles, qui fust brodée de merde : « Car, disoit-il, au monde n’y a li\Tes tant beaux, tant aornés, tant elegans, comme sont leé textes des Pandectes; mais la brodure d’iceux, c'est assavoir la glose de Accurse, est tant salle, tant infâme et punaise, que ce n’est qu’ ordure et villenie. »
Partant de Bourges, vint à Orléans, et là trouva force rustres d’escoliers qui luy firent grand chere à sa venue ; et en peu de temps apprint avec eux à jouer à la paulme, si bien qu’il en estoit maistre. Car les estudians dudict lieu en font bel exercice, et le menoient aucunesfois es isles pour s’esbatre au jeu du poussavant. Et, au regard de se rompre fort la teste à estudier, il ne le faisait mie, de peur que la veue ne luy diminuast. Mesmement que un quidam des regens disoit souvent en ses lectures qu’il n’y a chose tant contraire à la veue comme est la maladie des yeulx. Et quelque jour que l’on passa licentié en loix quelqu’un des escoliers de sa cognoissance, qui de science n’en avoit gueres plus que sa portée, mais en recompense sçavoit fort bien danser et jouer à la paulme, il fit le blason et devise des licenliés en ladicte université, disant :
Un esteuf en la braguette.
En la main une raquette,
Une loy en la cornette.
Une basse danse au talon,
Voy vous là passé coquillon. - ■
