DES FAICTS DD NOBLE PANTAGRUEL EN SON JEUNE AAGE
Ainsi croissoit Pantagruel de jour en jour, et profitait à veue d’œil, dont son pere s’esjouissoit par affection naturelle. El luy fit faire, comme il estait petit, une arbaleste pour s’esbattre après les oisillons - qu’on appelle de présent la grande arbaleste de Chantellc.
Ibiis l’envoya à l’escole pour apprendre et passer son jeune aage. De faict vint à Poictiers pour estudier, et y profita beaucoup : auquel lieu voyant que les escoliers estoient aucunes fois de loisir, et ne sçavoient à quoi passer temps, il en eut compassion. Et un jour print, d’un grand rochier qu’on nomme Passelourdin, une grosse roche, ayant environ de douze toises en carré, et d’espaisseur quatorze pans, et la mit sur quatre pilliers au milieu d’un champ, bien à son aise ; afin que lesdicts escoliers.
quand ilz ne sauroient aultre chose faire, passassent temps à monter sur ladicte pierre, et là banqueter à force flaccons, jambons et pastés,et escrire leurs noms dessus avec un cousteau, et, de présent, l’appelle on la Pierre levée. Et, en mémoire de ce, n’est aujourd’huy passé aucun en la matricule de ladicte université de Poictiers, sinon qu’il ait beu en la fontaine caballine de Croustelles, passé à Passelourdin, et monté sur la Pierre levée.
En après, lisant les belles chroniques de ses anccstres, trouva que Geoffroy de Lusignan, dict Geoffroy à la grand dent, grand pere du beau cousin de la sœur aisnée de la tante du gendre de l’oncle de la bruz de sa belle mere, estoit enterré à Maillezais : dont print un \o\a campos pour le visiter comme homme de bien. Et, partant de Poictiers avec aucuns de ses compaignons, passèrent par Legugé, visitans le noble Ardillon, abbé ; par Lusignan, par Sansay, par Celles, par Colonges, par Fontenay le Comte, saluans le docte Tiraqueau; et de là arrivèrent à Maillezais, où il visita le sepulchre dudict Geoffroy à la grand dent : dont il eut quelque peu de frayeur, voyant sa portraicture, car il y est en image comme d’un homme furieux, tirant à demy son grand malchus de la gaine. El demandent la cause de ce. Les chanoines dudict lieu luy dirent que n’estoit aultre cause sinon que pictorihus alqne poetis, etc. : c’est à dire que les peintres et poêles ont liberté de peindre à leur plaisir ce qu’ilz veulent. .Mais il ne se contenta pas de leur response, et dist : « Il n’est point ainsi peint sans cause. Et me double qu’à sa mort on luy a faict quelque tort, dont il demande vengeance à ses parens. Je m’en enquesteray plus au plein, et en feray ce que de raison. »
Puis retourna non pas à Poictiers, mais voulut visiter les aultres universités de France : dont, passant à la Rochelle, se mit sur mer et vint à Hordeaulx, auquel lieu ne trouva grand exercice, sinon des gabarriers jouans aqx luettes sur la grave. De la vint à Thoulouse, où il apprint fort bien à danser, et à jouer de l’espée à deux mains, comme est l’usance des cscoliers de ladicte université ; mais il n’y demeura gueres, quand il vit qu’ilz faisoient brusler leur regens tous vifz comme harans soretz, disant : « Ja Dieu ne plaise que ainsi je meure, car je suis de ma nature assez altéré sans me chauffer davantaige. »
Puis vint à Montpellier, où il trouva fort .bons vins de Mirevaulx et joyeuse compagnie; et se cuida mettre à estudier en medecine, mais il considéra que l’estât estoit fascheux par trop et melancholique, et que les médecins sentoient les clysteres comme vieux diables. Pourtant vouloil estudier en loix ; mais, voyant que là n’estoyent que trois teigneux et un pelé de légistes, se partit dudict lieu. Et au chemin fit le pont du Guard,
