LIVRE II, CHAPITRE VII

charme comme enchanteur. » A quoy dist un de ses gens : « Seigneur, sans nulle double, ce gallant veult contrefaire la langue des Parisiens ; mais il ne fait que escorcher le latin, et cuide ainsi pindariser; et luy semble bien qu’il est quelque grand orateur en français, parce qu’il dédaigné l’usance commun de parler. » A quoy dist Pantagruel : « Est il < vray? » L’escolier respondit ; « Segnor missayre, mon genie n’est poinct apte nate à ce que dit ce flagitiose nebulon, pour escorier la cuticule de nostre vernacule gallique; mais viceversement je gnave opéré, et par vele (‘t rames je me enite de le locupleter de la redondance latinicome. — Par Dieu, dist Pantagruel, je vous apprendra)’ à parler. Mais devant, responds moy : dond es tu? » A quoy dist l’escolier : « L’origine primeve de mes aves et ataves fut indigène des régions Lemoviques, où requiesce le corpore de l’agiotate sainct Martial. — J’entends bien, dist Pantagruel; tu es Limousin, pour tout potaige ; et tu veulx icy contrefaire le Parisien. Or nens çza, que je te donne un tour de pigne. » Lors le print.àla goige, luy disant : « Tu escorches le latin ; par sainct Jean, je te feray escorcher le renard, car jo t’escorcheray tout vif. » Lors commença le pauvre Limousin à dire : « Vée dicou! gentilastre, ho sainct Marsault, adiouda my; hau, hau, laissas à quau, au nom de Dious, et ne me touquas grou. » A quoy dist Pantagruel ; « A ceste heure parles tu naturellement. » Et ainsi le laissa , car le pauvre Limousin conchioit toutes ses chausses, qui estoient faictes à queue de merluz, et non à plein fond : dont dist Pantagruel :

« Sainct Alipentin, corne my de bas, quelle civette! Au diable soit le mascherabe. tant il put! » Et le laissa. Mais ce luy fut un tel remord toute sa vie, et tant fut altéré qu’il disoit souvent que Pantagruel le tenoit à la gorge. Et, après quelques années, mourut de la mort Roland, ce que faisant la vengeance divine, et nous demonstrant ce que dist le philosophe, et Aule Celle, qu’il nous convient parler selon le langaige usité, et, comme disoit Octavian Auguste, qu’il fault éviter les motz espaves, en pareille diligence que les patrons de navires évitent les rochiers de la mer.