CHAPITRE VII
COUMENT PANTAGRUEL VINT A PARIS, ET DES BEAUX LIVRES DE LA LIBRAIRIE DE SAINCT VICTOR
Après que Pantagruel eut fort bien estudié à Orléans, il se délibéra de visiter la grande université de Paris; mais, devant que partir, fut adverty que une grosse et enorme cloche cstoit à Sainct Aignan du dict Orléans, en terre, passés deux cens quatorze ans : car elle cstoit si grosse que, par engin
-"tsrjCrswi
aucun, ne la pouvoit on mettre seulement hors terre, combien que l’on y eust appliqué tous les moyens que mettent Vitruvius, de Architeclura, Albertus, de Re œdificatoria^ Euclides, Theon, Archimedes, et Hero, de Ingeniis. Car tout n’y servoit de rien. Dont, volontiers encliné à l'humble requeste des citoyens et habitans de ladicte ville, délibéra de la porterauclochier àce destiné. De faict, vint au lieu où elle estoit, et la leva de terre avec le petit doigt, aussi facilement que feriez une sonnette d’esparvier. Et, devant que la porter au clochier, Pantagruel en voulut donner une aubade par la ville, et la faire sonner par toutes les rues, en la portant en sa main : dont tout le monde se resjouist fort; mais il en advint un inconvénient bien grand, car, la portant ainsi, et la faisant sonner par les rues, tout le bon vin d’Orléans poulsa, et se gasta. De quoy le mondtne s’advisa que la nuyt ensuivant : car un chascun se sentit tant altéré d’avoir beu de ces vins poulsés, qu’ilz ne faisoient que cracher aussi blanc comme cottoii de Malthe, en disant: «Nous avons du Pantagruel, et avons les gorges salées. »
Ce faict, vint à Paris avec ses gens. Et, à son entrée, tout le monde sortit- hors pour le voir, comme vous sçavez bien que le peuple de Paris maillotinier est sol par nature, par bequarre, et par bémol ; et le regardoient en grand esbahissement, et non sans grande peur qu’il n’ emportas! le Palais ailleurs, en quelque pays a remotis, comme son pere avoit emporté les cjimpancs de Nostre Dame, pour attacher au col de sa jument. Et, après quelque espace de temps qu’il y eut demouré, et fort bien estudié en tous les sept ars liberaux, il disoit que c'estoit une bonne ville pour vivre, mais non pour mourir, car les guenaulx Sainct Innocent se chauffuient le cul des ossemens des mors. Et trouva la librairie de Sainct Victor fort magnifique, mesmement d’aucuns livres qu’il y trouva, desquelz s’ensuit le répertoire, et primo :
Bigua salutis.
Bragueta juris.
Pantofla decretorum.
Malogranatum vUiorum.
Le Peloton de théologie.
Le Vistempenard des prescheurs , composé par Turelupin.
La Couillc barrino des preux.
Les Hanebanes des evesques.
Marmotretm, de babouynis et cingis, cum commenta Dorbellis.
Decretum universitatis Parisiensis super gorgiasitatem muliercularum ad ptacitum.
L’apparition de saincte Gcitrudë à une nonnain de Poissy estant en mal d'enfant.
Ârs honeste petandi in societate, par M. Ortruinum.
