COMMENT PANTAGRUEL, ESTANT A PARIS
BECEUT LETTRES DE SON PERE GARGANTUA, ET LA COPIE D’iCELLES
Pantagruel estudioit fort bien, comme assez entendez, et prolitoit de mesmes, car il avoit l’entendement à double rebras, et capacité de mémoire à la mesure de douze oyres et bottes d’olif. Et, comme il estoit ainsi là demeurant, receut un jour lettres de sou pere en la maniéré que s’ensuit :
« Très cher filz, entre les dons, grâces et prérogatives desquelles le souverain plasmateur Dieu tout puissant a endouairé et aorné l’humaine nature à son commencement, celle me semble singulière et excellente par laquelle elle peut, en estât mortel, acquérir une espece d'immortalité, et, en decours de vie transitoire, perpétuer son nom et sa semence. Ce qu’est faict par lignée issue de nous en mariage légitimé. Dont nous est aucunement instauré ce que nous fut tollu par le péché de nos premiers parens, esquelz fut dict que, parce qu’ilz n'avoient esté obéissans au commandement de Dieu le créateur, ilz mourroient, et, par mort, seroit reduicte à néant ceste - tant magnifique plasmature en laquelle avoit esté l’homme créé.
a Mais, par ce moyen de propagation séminale, demeure es enfans ce qu’estoit de perdu es parens, et es nepveux ce que deperissoit es enfans, et ainsi successivement jusques à l’heure du jugement final, quand Jesu- Christ aura rendu à Dieu le pere son royaume pacifique, hors tout daiigier et contamination de péché. Car alors cesseront toutes générations et corruptions, et seront les elemens hors de leurs transmutations continues, veu que la paix tant desirée sera consommée et parfaicte, et que toutes choses seront réduites à leur fin et période.
<( Non donc sans juste et équitable cause je rends grâces à Dieu, mon conservateur, de ce qu’il m’a donné pouvoir voir mon antiquité chanue refleurir en ta jeunesse. Car, quand, par le plaisir de luy, qui tout régit et modéré, mon ame laissera ceste habitation humaine, je ne me reputeray totallement mourir, mais passer d’un lieu en aultre ; attendu que, en toy et par toy, je demeure en mon image visible en ce inonde, vivant, voyant, et conversant entre gens d’honneur et mes amis, comme je soulois. Laquelle mienne conversation a esté, moyennant l’aide et grâce
divine, non sans péché, je le confesse (car nous péchons tous, et continuellement rèquerons à Dieu qu'il efface nos péchés) mais sans reproche.
Par quoy. ainsi comme en toy demeure l’image de mon corps, si pareillement ne reluisoient les meurs de l’ame, l’on ne te jugeroit estre garde et trésor de l’immortalité de nostre nom; Jt le plaisir que prendrois ce voyant serait petit, considérant que la moindre partie* de moy, qui est le corps, demeureroit, et la meilleure, qui est l’ame, et par laquelle demeure nostre nom en bénédiction entre les hommes, serait degenerante et abastardie. Ce que je ne dis par défiance que j’aye de ta vertu, laquelle m’a esté ja par cy devant esprouvée, mais pour plus fort te encourager à profiter de bien en mieulx. 5
« Et ce que présentement t’escris, n’est tant afin qu’en ce train vertueux tu vives, que de ainsi vivre et avoir vescu tu te resjouisses, et te rcfraischisses en courage pareil pour l’advenir. A laquelle entreprinse parfaire et consommer, il te peut assez souvenir comment je n’ay rien espai^né ; mais ainsi t’y ay je secouru comme si je n’eusse aultre trésor en ce monde que de te voir une fois en ma vie absolu et parfaict, tant en vertu, honnesteté et prudhommie, comme en tout sçavoir liberal et honneste, et tel te laisser après ma mort comme un mirouoir représentant la personne de moy ton pere, et si non tant excellent et tel de faict comme je te souhaite, certes bien tel en désir.
« Mais, encores que mon feu pere de bonne mémoire, Grandgousier, eust adonné tout son estude à ce que je profitasse en toute perfection et sçavoir politique, et que mon labeur et estude correspondist très bien, voire encore, oultrepassast son désir, toutesfois, comme tu peux bien entendre, le temps n’estoit tant idoine ny commode es lettres comme est de présent, et n’avois copie de telz précepteurs comme tu as eu. Ia* temps estoit encores ténébreux, et sentant l’infelicité et calamité des Gothz, qui avoient mis à destruction toute bonne littérature. Mais, par la bonté divine, la lumière et dignité a esté de mon aage rendue es lettres, et y voy tel amendement que, de présent, à difficulté serois je receu en la première classe des petits grimaulx, qui, en mon aage virile, estois (non à tort) réputé le plus sçavant dudict siecle.
« Ce que je ne dis par jactance vaine, encores que je le puisse louablement faire en t'escrivant, comme tu as l’autorité de Marc Tulle en son livre de Vieillesse, et la sentence de Plutarque au livre intitulé Commerd ou se peut louer sans envie, mais pour te donner afi’ection de plus hault tendre.
« Maintenant toutes disciplines sont restituées, les langues instaurées : grecque, sans laquelle c’est honte qu’une persoime se die sçavant;
Coogle
LIVHE II, CHAPITRE VIH
hebraïcque, chaldaïque, latine. Les impressions tant eleganteset correctes en usance, qui ont esté inventées de mon aage par inspiration divine, comme^ à contrefd, l’artillerie par suggestion diabolique. Tout le monéfe est plein de gens sçavaus, de précepteurs très doctes, de librairies très îunples, et m’est advis que, ny au temps de Platon, ny de Cicéron, ny de Papinian, ù’estoit telle commodité d'estude qu’on y voit maintenant. Et ne SC fauldra plus doresnavant trouver en place ny en corapaiguie, qui ne sera bien expoly en l’officine de Minerve. Je voy les brigans, les bourreaux, les aventuriers, les palfreniers de maintenant, plus doctes que les docteurs et prescheurs de mon temps.
« Que diray je ? Les femmes et les filles ont aspiré à ceste louange et manne celeste de bonne doctrine. Tant y a qu’en l’aage où je suis, j'ay esté contrainct d’apprendre les lettres grecques, lesquelles je n’avois contemné comme Caton, mais je n'avois eu le loisir de comprendre en mon jeune aage. Et voluntiers me delecte à lire les Moraulx de Plutarche, les beaux Dialogues de Platon, les Monumens de Pausanias, et Antiquités de Atlieneus, attendant l’heure qu’il plaira à Dieu mon créateur m’appeler, et commander issir de ceste terre.
«1 Parquoi, mon filz, je t’admoneste qu’employe ta jeunesse à bien profiter en tstudes et en vertus. Tu es à Paris, tu as ton précepteur Epistemon, dont l’un par vives et vocales instructions, l’aultre par louables exemples, te peut endoctriner. J’entends et veulx que tu apprennes les langues parfiiictement. Premièrement la greaiue, comme le veult Quintilian ; secondement, la latine ; et puis l’hebraicque pour les sainctes lettres, et la clialdaïcqu». et arabicque pareillement ; et que tu formes toi» style , quant à la grecque, à l’imitation de Platon ; quant à la latine, de Cicéron, qu’il n’y ait histoire que tu ne tiennes en mémoire présente, à quoy t’aidera la cosmographie de ceux qùi en ont escrit. Des ars liberaux, géométrie, arithmétique et musique, je t’en donnay quelque goust quand tu estois encores petit, en l’aage de cinq à six ans ; poursuis le reste, et d’astronomie saiche en tous les canons. Laisse moy l'astrologie divinatrice, cl l’art de Lullius, comme abus et vanités. Du droit civil, je veulx que tu saiche par cœur les beaux textes, et me les conféré avec, philosophie.
« Et quant à la cognoissance des faicls de nature, je veulx que tu t’y adonne curieusement : qu’il n’y ait mer, riviere, ny fontaine, dont tu ne cognoisse les poissons ; tous les oiseaux de l’air, tous les arbres, arbustes, et fructices des forestz, toutes les herbes dé la terre, tous les motaulx cachés au ventre des abysmes, les pierreries de tout Orient et Midy, rien ne te soit incogneii.
« Puis soigneusement revisite les livres des médecins grecs, arabes, et latins, sans contemner les tlialmudistes et cabalistes ; et, par frequentes anatomies, acquiers toy parfaicte cognoissance de l’aultre monde, qui est riinmme. Et, par quelques heures du jour, commence à visiter lessainctes lettres. Premièrement, en grec, le Nouveau Testament, et Epistres des apostres; et puis, en hebrieu, le Vieux Testament. Somme, que je voye un abysme de science ; car, doresnavant que tu deviens homme et te fais grand, il te fauldra issir de ceste tranquillité et repos d’estude, et apprendre la chevalerie et les armes, pour defendre ma maison, et nos amis secourir en tous leurs affaires, contre les assaülx des malfaisans. Et veulx que, de brief, tu essayes combien tu as profité ; ce que tu ne pourras mieulx faire que tenant conclusions en tout sçavoir, publiquement envers tous et contré tous, et hantant les gens lettrés qui sont tant à Paris comme ailleurs.
« Mais, parce que, selon le sage Salomon, sapience n’entre point en ame malivole, et science sans conscience n’est que ruine de l’ame, il te convient servir, aimer, et craindre Dieu, et en luy mettre toutes tes pensées et tout ton espoir ; et, par foy formée de charité, estre à luy adjoinct, en sorte que jamais n'en sois desemparé par péché. Ave suspect/ les abus du monde. Ne metz ton cœur à vanité : car ceste vie est transitoire, mais la parole de Dieu demeure éternellement. Sois serviable à tous tes prochains, et les aime comme toy mesmes. Revere tes précepteurs, fuis les compaignies des gens esquelz tu, ne veulx point ressembler, et, les grâces que Dieu t’a données, icelles ne reçois en vain. Et quand tu ci^oistras que auras tout te sçavoir de par delà acquis, retourne vers inoy, afin que ie te voye, et donne ma bénédiction devant que mourir.
« Mon fîlz, la paix et grâce de Nostre Seigneur soit avec toy, amen. De Utopie, ce dix septiesme jour du mois de mars,
« Ton pere,
« GARGANTUA
Ces lettres receues et veues, Pantagruel print nouveau courage, et fut ciiQambé à profiter plus que jamais ; en sorte que, le voyant estudier et profiter, eussiez dict que tel estoit son esprit entre les livres comme est le feu parmy les brandes, tant il l’avoit infatigable et strident.
