LIVRE II, CHAPITRE X

requestcs, prosidens, conseilliers, les gens des comptes, secrétaires, advotatz, et aultres, ensemble les eschevins de ladicte ville, avec les mede- «K3 et canonistes. Et notez que, d’iceux, la plus part prindrent bien le frain aux dents; mais, non obstant leurs ergotz et fallaces, il les fit tous quinaulx, et leur monstra visiblement qu’ilz n’estoient que veaulx engipponnés. Dont tout le monde commença à bruire et parler de son sçavoir si merveilleux, jusques es bonnes femmes lavandières, courratieres, roustissieres, ganivetliercs, et aultres ; lesquelles, quand il passoit par les rues, disoient : « C’est luy; » à quoy il prenoit plaisir, comme Demos^" thenes, prince des orateurs grecs, faisoit, quand de luy dist une vieille acropie, le monstrant au doigt : « C’est cestuy là. »

Or, en ceste propre saison, estoit un procès pendant en la court entre deux gros seigneurs, desquelz l’un estoit monsieur ' de Baisecul, demandeur d’une part, l’aultre, monsieur de Humevesne, defendeur de l’aultre., Desquelz la controverse estoit si haulte et diffidle en drqjt que la court de parlement n’y entendoit que le hault allemadt. Dont, par le commandement du roy, furent assemblés quatre les plus sçavans et les plus gras de tous les parlemens de France, ensemble le grand Conseil, et tous les "principaux regens des universités, non seulement de^rance, mais aussi d’Angleterre et d’Italie, comme Jason, Philippe Dece, Petrus de Petronibus, et un tas d’aultres vieux rabbanistes. Ainsi assemblés par l’espace de quarante et six sepmaines, n’y avoient sceu mordre, ny entendre le cas au net, pour le mettre en droit, en façon quelconque : dont ilz estoient si despitz qu'ilz se conchioient de honte villainement.

Mais un d’entre eux, nommé Du Douhet, le plus sçavant, le plus expert et prudent de tous les aultres, un jour qu’ils estoient tous philogrobolisés du cerveau, leur dist : « Messieurs, ja lontemps a que nous sommes icy sans rien faire que despendre; et ne pouvons trouver fond ny ijve en ceste matière, et tant plus y estudions, tant moins y entendons, qui nous est grand honte et charge de conscience, et à mon advis que nous n’eu ~ sortirons qu’à ueshonneur ; car nous ne faisons que ravasser ên nos consultations. Mais voicy quej’ay advisé. Vous avez bien ouy parler de ce grand personnaige nommé maistre Pantagruel, lequel on a cogneu estre sçavant dessus la capacité du temps de maintenant, es grandes disputations qu’il a tenues contre tous publiquement. Je suis d’opinion que nous l’appelions, et conférons de cest affaire avec luy : car jamais homme n’en viendra à bout si cestuy là n’en vient. » A quoy volontiers consentirent tous ces conseillers et docteurs : de faict, l’envoyerent quérir sur l’heure, et le prièrent vouloir le procès canabasser et grabeler à poinct, et leur en faire le rapport tel que bon luy sembleroit, en vraie science 'égalé : et luy

livrèrent les sacs et pantarques entre ses mains, qui faisoient presque le fais de quatre gros asnes couillars.

Mais Pantagruel leur dist : « Messieurs, les deux seigneurs qui ont ce procès entre eux sont ilz encore vivans ?» A quoy luy fut respondu que ouy. « De quoy diable donc, dist il, servent tant de fatrasseries de papiers et copies que me baillez? N’est ce le mieulx ouir par leur vive voix leur débat que lire ces babouyneries icy, qui ne sont que tromperies, cautelles diaboliques de Ccpola, et subversions de droit? car je suis seur que vous et tous ceux par les mains desquels a passé ie procès, y avez machiné ce qu’avez peu, <pro et contra; et, au cas que leur controverse estoit patente, et facile à juger, vous l’avez obscurcie par soties et desraisoniiables raisons, et ineptes opinions de Accurse, Balde, -Bartole, de Castro, de Imola, Hippolytus, Panorme, Bertachin, Alexander, Curtius, et ces aultres vieux mastins, qui jamais n’entendirent la moindre loy des Pandectes, et n’estoient que gros veaulx de disme, ignorans de tout ce qu’est necessaire à l’intelligence des loix. Car (comme il est tout certain) ilz n’avoient cognoissancc de langue ny grecque ny latine, mais seulement de gothique et barbare. Et, toutesfois, les loix sont premièrement prinses des Grecs, comme vous avez le tesmoignage de ülpian, l. posteriori, de Origine juris, et toutes les loix sont pleines de sentences et motz grecs ; et, secondement, sont rédigées en latin le plus élégant et aorné qui spit en toute la langue latine, et n’en excepterais volontiers ny Salluste, ny Varronf ny Cicéron, ny Scnecque, ny Tile-Live, ny Quintilian. Comment donc eussent pu entendre ces vieux resveurs le texte des loix, qui jamais ne virent bon livre de langue latine, comme manifestement appert à leur stile, qui est stile de ramonneur de cheminée, ou de cuysinier et marmiteux, non de jurisconsulte?

« Davantaige, veu que les loix sont extirpées du milieu de philosophie morale et naturelle, comment l’entendront ces folz, qui ont, par Dieu, moins estudié en philosophie que ma mulle ? Au regard des lettres d’humanité et cognoissance dès antiquités et histoires, ilz en estoient chaînés comme un crapault de plumes, et en usent comme un crucifix d’un pifre, dont toutesfois les droits sont tous pleins ; et sans ce, ne peuvent estre cnlenduz, comme quelque jour je monstreray plus appertement par escrit. Par ce, si voulez que je cognoisse de ce procès, premièrement faites moy hrusler tous ces papiers, et secondement faites moy venir les deux gcntilz hommes personnellement devant moy ; et, quand, je les auray ouy, je vous en diray mon opinion, sans fiction ny dissimulation quelconques. »

A quoy aucuns d’entre eux contredisoient, comme vous sçavcz que, en toutes comnaignies, il y a plus de folz que de saiges, et la plus grande