LIVRE II, CHAPITRE XI

partie surmonte tousjours la meilleure, ainsi que ditTite-Live, parlant des Carthaginiens. Mais ledict Du Douhet tint au contraire virilement, contendant que Pantagruel avoit bien dict; que ces registres, enqucstes, replicques, dupliques, reproches, salvations, et aultres telles diableries, n’estoicnl que subversion de droit et allongement de procès, et que le diable les emporteroit trestous s’ils ne procedoient aiiltrement, selon équité philosophicque et evangelicque. Somme, tous les papiers furent brusiés, et les deux gentils hommes personnellement convoqués.

Et lors Pantagruel leur dist : « Estes vous ceux qui aves ce grand different ensemble? — Ouy, dirent ils, monsieur. — Lequel de vous est demandeur? — C’est moy, dist le seigneur de Baisecul. — Or, mon amy, contes moy de poinct en poinct vostre affaire, selon la vérité : car, par le corps bieu, si vous en mentes d’un mot, je vous osteray la teste de dessus les espaules, et vous monstreray qu’en justice et jugement l’on ne doibt dire que la vérité; par ce, donnes vous garde d’adjouster ny diminuer au narré de vostre cas. Dictes. »