CHAPITRE XIV

COUMENT PANURGB RACONTE LA MANIERE COMMENT IL ESCHAPPA DE LA MAIN DES TURCS

Le jugement de Pantagruel fut incontinent sceu et entendu de tout le monde, et imprimé à force, et rédigé es archives du palays ; en sorte que le mondq commença à dire • « Salomon, qui rendit par soubçon l'enfant à sa mere, jamais ne montra tel chef d’oeuvre de prudence comme a faict ce bon Pantagruel : nous sommes heureux de l’avoir en nostre pays. »

Et àc faict, on le voulut faire maistre des requestes et président en la court; mais il refusa tout, les remerciant gracieusement : « Car il y a, dist il, trop grande servitude à ces offices, et à trop grande peine peuvent estre sauvés ceux qui les exercent, veu la corruption des hommes. Et croy que, si les sieges vuides des anges ne sont remplis d’aultre sorte de gens, de trente sept jubilés nous n’aurons le jugement final, et sera Cusanus trompé en ses conjectures. Je vous en advertis de bonne heure. Mais si avez quelque muiz de bon vin, voluntiers j’en recevTay le présent. »