CHAPITRE XIX

COMMENT PANUBGB FIT QÜINAÜLT C’ANOLOIS, QUI ARGCOTT PAR SIGNES

Adonc tout le monde assistant et escoutant en bonne silence, l’Anglois leva hault en l’air les deux mains séparément, clouant toutes les extrémités des doigts en forme qu’on nomme en Chinonnoys cul de poulie, et frappa de l’une l’aultre par les ongles quatre fois ; puis les ouvrit, et ainsi à plat de l’une frappa l’aultre en son strident une fois ; derechief les joignant comme dessus, frappa deux fois, et quatre fois derechief les ouvrant. Puis les remit jo’nctes et extendues l’une jouxte l’aultre, comme semblant dévotement Dieu prier. Panurge soudain leva en l’air la main dextre, puis d’icelle mit le poulce dedans la narine d’iceluy çosté, tenant les quatre doigts extenduz et serrez par leur ordre en ligne parallèle à la pinne du nez, fermant l’oeil gauche entièrement et guignant du dextre avec profonde dépréssion de la sourcille et paulpiere. Puis la gauche leva hault, avec fort serrement et extension des quatre doigts et élévation du poulce, et la tenoit en ligne directement correspondante à l’assiete de la dextre, 'avec distance entre les deux d’une coudée et demie. Cela faict, en pareille forme baissa contre terre l’une et l’aultre main; finalement les tint on milieu, comme visant droit au nez de l’Anglois.

« Et si Mercure? » dist l’Anglois. L’i Panurge interrompt, disant : « Vous avez parlé, masque. » Lors fit l’Anglois tel signe . la main gauche toute ouverte il leva hault en l’air, puis ferma on poing les quatre doigts d’icelle, et le poulce extendu assit sus la pinne du nez. Soudain après leva la dextre toute ouverte, et toute ouverte la baissa, joignant le poulce on lieu que femloit le petit doigt de la gauche, et les quatre doigts d’icelle mouvoit lentement en l’air. Puis, au rebours, fit de la dextre ce qu’il avoit