CHAPITRE XXni

COMMENT PANTAGRUEL PARTIT DE PARIS, OYANT NOUVELLES QUE LES DIPSODES ENVAHISSOIENT LE PAYS DES AHAUROTES, ET LA CAUSE POURQUOY LES LIEUES SONT TANT PETITES EN FRANCE

Peu de temps après, Pantagruel ouit nouvelles que son pere Gargantua avoit esté translaté au pays des Phé^s par Morgue, comme fut jadis Ogier et Artus; ensemble que, le bruit |de sa translation entendu, les Dipsodes estoient issuz de leurs limites, et avoient gasté un grand pays de Utopie, et tenaient pour lors la grande ville des Amaurotes assiégée. Dout partit de Paris sans dire à Dieu à nully, car l’affaire requeroit diligence, et vint à Rouen.

Or, en cheminant, voyant Pantagruel que les lieues de France estoient petites par trop, au regard des aultres pays, en demanda la cause et raison à Panurge, lequel luy dist une histoire que met Marotus du Lac, monachvs, es gestes des roys de Canarre, disant que • ^

« D’ancienneté, les pays n’estoient distinetz par lieues, miliaires, stades, ny parasanges, jusques à ce que le roy Pharamond les distingua, ce qui fut faict en la maniéré que s’ensuit : car il print dedans Paris cent beaux jeunes et gallans compaignons bien délibérés, et cent belles garses picardes, et les fit bien traicter, et bien panser par huit jours, puis les appella ; et à un chascun bailla sa garse, avec force argent pour les despens, leur faisant commandement qu’ilz allassent en divers lieux par cy et par là. Et, à tous les passaiges qu’ilz biscoteroient leurs garses, qu’ilz

missent une pierre, et ce seroit une lieue. Ainsi les corapaignons joyeusement parürenl, et, pour ce qu’ilz estoient frais et de séjour, ilz fanfreluchoient à cliasque bout de champ, et voylà pourquoy les lieues de France sont tant petites^

« Mais quand ib eurent long chemin parfaict, et estoient ja las comme pauvres diables, et n’y avoit plus d’olif en ly caleil, ilz ne belinoient si souvent, et se contentoient bien (j'entends quant aux hommes) de quelque meschante et paillarde fois le jour. Et voylà qui fciict les lieues de. Bretaigne, des Lanes, d’Allemaigne, et aultres pays plus esloignés, si grandes. Les aultres mettent d’aultres raisons; mais celle là me semble la meilleure. »

A quoy consentit volontiers Pantagruel.

Partans de Rouen, arrivèrent à Hommefleur, on se mirent sur mer Pantagruel, Paniirçe, Epistemon, Eusthenes, et Carpalim. Auquel lieu attendant le vent piopice, et calfretant leur nef, receut d’une dame de Paris, laquelle il avoit entretenu bonne espace de temps, unes lettres inscriptes au dessus ;

Au plus aimé des belles, et moins loyal des preux,