CHAPITRE XXIV

I.ETTRES qu’un MESSAGIER APPORTA A PANTAGRUEL D’uNE DAME DE PARIS,

ET l’ëxpositio.n D’un mot escrit en un anneau d'or

Quand Pantagruel eut leue l’inscription, il fut bien esbahy, et, deman. dant audict messagier le nom de celle qui l’avoit envoyé, ouvrit les lettres, et rien ne trouva dedans escrit, mais seulement un anneau d’or, avec un diamant en table. Lors appella Panurge, et lui monstra le cas. A quoy Panurge luy dist que la feuille de papier estoit escrite, mais c’estoit par telle subtilité que l’on n’y voyoit poinct d’escriture. Et, pour le sçavoir, la mit auprès du feu, pour voir si l’escriture estoit faicte avec du sel ammoniac destrerapé en eau. Puis la mit dedans l’eau, pour sçavoir si la lettre estoit escrite du suc de tithymalle. Puis la monstra à la chandelle, si elle estoit poinct escrite du jus d’oignons blancs.

Puis en frotta une partie d’huile de noix, pour voir si elle estoit point escrite de lexif de figuier. Puis en frotta une part de laict de femme alaictant sa fille première née, pour voir si elle estoit poinct escrite de sang de rubettes. Puis en frotta un coin de cendres d'un nid d’arondelles, pour voir si elle estoit escrite de la rousée qu’on trouve dedans les pommes