CHAPITRE XXVI

COMMENT PANTAGRUEL ET SES COMPAIGNONS ESTOIENT FASCHÉS DE MANGER DE LA CHAIR SALÉE, ET COMMENT CARPALIM ALLA CHASSER POUR AVOIR DE LA VENAISON

Ainsi comme ilz banquetoient, Carpalim dist : « Et ventre Sainct Quenet, ne mangerons nous jamais de venaison? Ceste chair salée m’altere tout, .le vous vais apporter icy une cuisse de ces chevaux que nous avons faict brusler ; elle sera assez bien roustie. » Tout ainsi qu’il se Icvoit pour ce faire, apperceut à Forée du bois un beau grand chevreul qui estoit issu du fort, voyant le feu de Panurge, à mon advis. Incontinent counit après, de telle roideur qu’il sembloit que fust un carreau d’arbalestc, et l’attrapa en un moment ; et, en courant, print de ses mains en l’air

ü'iatro grandes otardes.

Sept bitars,

Vingt et six perdrix grises, Trente et deux rouges.

Seize faisans,

Neuf bécasses.

Dix et neuf hérons,

Trente et deux pigeons ramiers;

Et tua de ses pieds dix ou douze que Icvraulx, que lapins, qui ja cstoient hors de paige;

Dix et huit rasles parés ensemble Quinze sanglerons.

Deux blereaux,

Trois grands renards.