BIEN SUBTILEMENT
Ainsi qu’il disoit cela, ilz adviserent six cens soixante chevaliers, montés à l’avantage sur chevaux legiers, qui accouroient là voir quelle navire c’estoit qui estoit de nouveau abordée au port, et couroient à bride avallée pour les prendre s’ilz eussent peu. Lors dist Pantagruel : « Enfans, retirezvous en la navire, voyez cÿ de nos ennemis qui accourent, mais je vous les tueray icy comme bestes, et fussent ilz dix fois autant : ce pendant retirez vous, et en prenez vostre passe temps. » Adonc respoudit Panurge : « Non, seigneur, il n'est de raison que ainsi faciez ; mais, au contraire, retirezvous eu la navire, et vous, et les aultres : car moy tout seul les desconfiray ci, mais il ne fuult pas tarder ; avancez-vous. » A quoy dirent les aultres :
« C’est bien dict, seigneur; retirez vous, et nous aiderons icy à Panurge, et vous cognoistrez que nous sçavons faire. » Adonc Pantagruel dist : « Or je le veulx bien ; mais, au cas que fussiez les plus foibles, je ne vous fauldray. »
Alors Panurge tira deux grandes chordes de la nef, et les attacha au tour qui estoit sur le tillac, et les mit en terre, et en fit un long circuit, l’un plus loing, l’aultre dedans cestuy là. Et dist à Epistemon : « Entrez dedans la navire, et quand je vous sonneray, tournez le tour sus le tillac diligentement, en ramenant à vous ces deux chordes. » Puis dist à Eusthenes et à Carpalim : « Enfans, attendez icy et vous offrez à ces ennemis franchement, et obtempérez à eux, et faites semblant de vous rendre; mais advisez que n’entrez au cerne de ces chordes : retirez vous tousjours hors. P Et incontinent entra dedans la navire, et print un faix de paille et une hotte de pouldre de canon, et l’espandit par le cerne des chordes, et avec une migraine de feu se tint auprès. Tout soudain arrivèrent à grande force les chevaliers, et les premiers chocquerent jusques auprès de la navire ; et, par ce que le rivage glissoit, tombèrent eux et leurs chevaux, jusques au nombre de quarante et quatre. Quoy voyans les aultres approchèrent, pensans qu’on leur eust résisté à l’arrivée. Mais Panurge leur dist : « Messieurs, je croy que vous soyez faict mal, pardonnez le nous : car ce n’est de nous, mais c’est de la lubricité de l’eau de mer, qui est tousjours onctueuse. Nous nous rendons à vostre bon plaisir. » Autant en dirent ses deux compaignons, et Epistemon, qui estoit sur le tillac. Ce pendant Panurge s’esloignoit. et, voyant que tous estoient dedans le cerne
Di 'idbyGi
(irs cliordes, et que ses deux compaig^nons s’en estoicnt cslnignés, faisans place à tous ces chevaliers quia foulle alloicntpour voir la nef, et qui estoit dedans, soudain criai Kpisteinon : « Tire, tire. » Lors Epistemon rommença tirer au tour, et les deux chordes s’cmpestrerent entre les chevaux, et les ruoient par terre bien aisément avec les chevaucheurs ; mais eux, ce voyans, tirèrent à l’cspée, et les vouloient desfaire ; dont Panurge mit le feu en la traînée, et les lit tous là brusler comme âmes damnées : hommes et chevaux, nul n’en eschappa, excepté un qui estoit monté sur un cheval turc, qui gaignoit à fuir ; mais, quand Carpalim l’apperceut, il courut après en telle hastiveté et allaigresse que il l’attrapa en moins de cent pas, et, saultant sur la croupe de son cheval, l’embrassa par derrière, et l’amena à la navire.
Cette defaicte parachevée, Pantagruel fut bien joyeux, et loua merveilleusement l’industrie de ses compaignons, et les fit rafraîchir et bien repaistre sur le rivage joyeusement, et boire d’autant, le ventre contre terre, et leur prisonnier avec eux familièrement : sinon que le pauvre diable n’estoit point asseuré que Pantagruel ne le devorast tout entier ; ce qu’il eust faict, tant avoit la gorge laige, aussi facilement que feriez un grain de dragée, et ne luy eust monté en sa bouche eu plus qu’un grain de millet en la gueulle d’un asne.
