LIVKE II. CHAPITRE XXIX
soixante et treize pieds en terre, à travers un gros rochier, dont il fît sortir le feu plus gros que neuf mille six tonneaux.
Voyant Pantagruel qu'il s’amusait à tirer sa dicte masse, qui tenoit en terre entre le roc, luy courut sus, et luy voulait avaller la teste tout net ; mais son mast, de male fortune, toucha un peu au fust de la masse de Loupgarou, qui estoit phée, comme avons dict devant : par ce moyen, son mast luy rompit à trois doigts de la poignée. Dont il fut plus estonné qu'uu fondeur de cloches, et s’escria ; « Ha, Panurge, où es tu? » Ce que ouyant Panurge, dist au roy et aux géans : « Par Dieu ! ilz se feront mal, qui ne les despartira. » Mais les géans estaient aises comme s'ilz fussent de nopces. Lors Carpalim se voulut lever de là pour secourir son maistre ; mais un géant lui dist ; « Par Goiilfarin, nepvcu de Mahom, si tu bouges d’icy. je te metlray au fond de mes chausses, comme on fait d’un suppositoire ; aussi bien suis je constipé du ventre, et nepeuxgueres bien cagar, sinon à force de grincer les dentz. »
Puis Pantagruel, ainsi distitué de haston, reprint le bout de son mast. en frappant torche lorgne dessus le géant ; mais il ne luy faisoit mal en plus que feriez baillant une cbicqucnaulde sus un enclume de foi^eron. Ce pendant Loupgarou tiroit de terre sa masse, et l’avoit ja tirée, et la paroit pour en ferir Pantagruel ; mais Pantagruel, qui estoit soudain au remuement, declinoit tous ses coups, jusques à ce que une fois, voyant que Loupgarou le menassoit, disimt : a Mcschant, à ceste heure te hascheray le comme chair à pastés, jamais tu ne altéreras les pauvTes gens, » Pantagruel le frappa du pied un si grand coup contre le ventre, qu’il le jetta en arriéré à jambes rehindaines, et vous le trainoit ainsi à l’escorche cul plus d’un traict d’arc. Et Loupgarou s’escrioit, rendant le sang par la gorge t « Mahom ! Maliom ! Mahom ! » A laquelle voix se levèrent tous les géaus pour le secourir. .Mais Panurge leur dist : o Messieurs, n’y allez pas, si m’en croyez : car nostre maistre est fol, et frappe à tors et à travers, et ne regarde poinct où. Il vous donnera malencontre. » Mais le.s géans n’en tindrent compte, voyant que Pantagruel estoit sans haston.
Lorsque api)rocher les vit, Pantagruel print Loupgarou par les deux pieds, et son corps leva comme une picque en l’air, et, d’iceluy armé d’enclumes, frappoit parmy ces géans armés de pierres de taille, et les abatoit comme un masson fait de couppeaux, que nul n’arrestoit devant luy qu’il ne ruast par terre. Dont, à la rupture de ces hamois pierreux, fut faict un si horrible tumulte qu’il me souvint quand la grosse tour de beurre, qui estoit à Sainct Eslienne de Bourges, fondit au soleil Panurge, ensemble Carpalim et Eusthencs, ce pendant, esgorgetoient ceux qui estoient portés par terre. Faites vostre compte qu’il n’en eschappa un seul.
PANTAGKL’EL
cl, à voir Pantagruel, sembloit un fausclieur qui, de sa faulx (c’estoit Loupgarou), abaloil l’iierbe d’un pré (c’esloient les géans). Mais à cesU; escrinie, Loupgarou perdit la teste ; ce fut quand Pantagruel -en abatit un qui avoit nom Ritlandouille, qui estoit armé à hault appareil, c’estoit de pierres de gryson, dont un esclat couppa la gorge tout oultre à Epistemon ; car aultrement la plupart d’entre eux estoient armés à la legiere, c’estoit de pierres de tuffe, et les aultres de pierre ardoizine. Finalement, voyant que tous estoient mors, jctta le corps de Loupgarou tant qu’il peult contre la ville, et tomba comme une grenoille sus le ventre en la place mage de ladicte ville, et en tombant, du coup tua un chat bruslé, une chatte mouillée, une canne petiere et un oison bridé.
