LIVRE II, CHAPITRE XXX
« En ceste façon, ceux qui avoient esté gros seigneurs en ce monde icy, gaignoient leur pauvre meschante et paillarde vie là bas. Au contraire, les philosophes, et ceux qui avoient esté indigens en ce monde, de par dt là estoient gros seigneurs en leur tour. Je vis Diogenes qui .se prelassoil en magnificence, avec une grande robe de pourpre, et un sceptre en sa dextre; et faisoit enrager Alexandre le Grand, quand il n’avoit bien repetassé ses chausses, et le payoit en grands coups de baston. Je vis Epictete vestu galantement à la française, sous une belle ramée, avec force damoiselles, se rigollant, beuvant, dansant, faisant en tous cas grand chere, et auprès de luy force escus au soleil. Au dessus de la treille estoient pour sa devise ces vers cscrits :
SauUer, danser, faire les tours.
Et boire vin blanc et vermeil :
Et ne faire rien tous les jours Quo compter escus au soleil.
(t Lorsqu'il me vit, il me invita à boire avec luy courtoisement, ce que je fis voluntiers, et choppinasmes théologalement. Ce pendant vint Cyre luy demander un denier en l’honneur de Mercure, pour achapter un peu d’oignons pour son souper t Rien, rienj^ disl Epictete, je ne donne point « deniers. Tiens, marault, voylà un escu, sois homme de bien. » Cyre fut bien aise d’avoir rencontré tel butin. Mais les aultres coquins de rois qui sont là bas, comme .Alexandre, Darie, et aultres, le desroberent la nuyt. Je vis Patbelin, thesorier de Rhadamanthe, qui marchandoit des petits pastés que crioit le pape Jules, et luy demanda combien la douzaine - « Trois blancs, dist le pape. — Mais, dist Patbelin, trois coups de barre! « Baille icy, villain, baille, et en va quérir d’ aultres. » Et le pauvre pape s’en alloit pleurant; quand il fut devant son maistre pâtissier, luy dist qu’on luy avait osté ses pastés. Adonc le pâtissier luy bailla l’anguillade, si bien que sa peau n’eust rien vallu à faire cornemuses.
« Je vis maistre Jehan le Maire, qui contrefaisoit du pape, et à tous ces pauvres rois et papes de ce monde faisoit baiser ses pieds ; et, en faisant du grobis, leur donnait sa bénédiction, disant ; « Gaignez les par- « dons, coquins, gaignez, ilz sont à bon marché. Je vous absouls de « pain et de soupe, et vous dispense de ne valoir jamais rien. » Et appella Caillette et Triboulet, disant : « Messieurs les cardinaux, dcpeschez « leurs bulles, à chasrun un coup de pau sus les reins. » Ce que fut faict incontinent.
« Je vis maistre Françoys Villon, qui demanda à Xerces : «Combien la « denrée de moustarde? — Un denier, » dit Xerces. A quoy dist ledict Villon ; « Tes fievres quartaincs, villain ! la blanchée n’en vault qu’un
<« pinart, et tu nous surfais icy les vivres ? » Adonc pissa dedans son bacqact, comme font les mousturdiers à Paris.
« Je vis le franc archier de Baignolel, qui estoit inquisiteur des hérétiques. Il rencontra Perceforest pissant contre une muraille, en laquelle estoit peint le feu de sainct Antoine. Il le dcclaira hcretique, et l'eust fait brusler tout vif, n'eust esté Morgant, qui, pour son proficiat et aultres menus droits, luy donna neuf muys de bicre.
— Or, dist Pantagruel, reserve nous ces beaux contes à une aultre fois. Seulement dis nous comment y sont traictés les usuriers. — Je les vis, dist Epistemon, tous occupés à chercher les espingles rouillées et vieux doux parmy les ruisseaux des rues, comme vous voyez que font les coquins en ce monde. Mais le quintal de ces quinquailleries ne vault que un boussin de pain ; encores y en a il mauvaise despesche : par ainsi les pauvres malautrus sont aucunes fois plus de trois sepmaines sans manger morceau ny miette, et travaillent jour et nuyt, attendons la foire à venir ; mais de ce travail et de malheureté il ne leur souvient, tant ilz sont actifz et maudicts, pourveu que, au bout de l'an, ilz gaignent quelque meschant denier. — Or, dist Pantagruel, faisons un transon de bonne chere, et beuvons, je vous en prie, enfans : car il fait beau boire tout ce mois. » Lors dégaineront flaccons à tas, et des munitions du camp firent grand chere. Mais le pauvre roy Anarche ne se pouvoit esjouir. Dont dist Panurge : « De quel mestier ferons nous monsieur du roy icy, afin qu'il soit ja tout expert en l'art quand il sera de par delà à tous les diables? — Vrayement, dist Pantagruel, c'est bien advisé à toy ; or fais en à ton plaisir, je le le donne. — Grand mercy, dist Panurge, le présent n'est de refus, et l’aime de vous. »
