CHAPITRE XXXI

COMMENT PANTACnUEL ENTRA EN LA VILLE DES AMAUROTES, ET COMMENT PANtlRGE MARIA LE ROY ANARCHE ET LE FIT CHIEUR DE SALLCE VEUT

Après celle victoire merveilleuse, Pantagruel envoya Carpalim en la ville des Amaurotes, dire et annoncer comment le roy Anarche estoit pris, et tous leurs ennemis defaicts. Laquelle nouvelle entendue, sortirent au devant de luy tous les habitons de la ville en bon ordre, et en grande pompe triomphale, avec une liesse divine, le conduirent en la ville, et furent faicts beaux feux de joye par toute la ville, et belles tables rondes, garnies de force vivres, dressées par les rues. Ce fut un renouvellement du temps de Saturne, tant y fut faicte lors grand chere.