LIVRE III , CHAPITRE VI
estoient en guerre occis, leur nom et armes restast en leurs enfans. Aussi, »jue leurs femmes on cogneust certainement estre ou brehaignes, ou fecon- «ies (car l’essay d’un an leur semhloit suffisant , attendu la maturité de l’aage en laquelle ilz faisoient nopces); pour mieulx, apré.s le deces des raariz premiers, les colloquer en secondes nopces: les fécondés, à ceux qui voudroient multiplier en enfans ; les brehaignes, à ceux qui n’en appeteroient, et les prendroient pour leurs vertus, sçavoir, bonnes grâces, seulement en consolation domesticque et entretenement de mesnage.
— Les prescheuL's de Varenes. dist Panurge, detestent les secondes nopces, comme folles et deshonnestes. — Elles sont, respondit Pantagruel, leurs fortes fiebvres quartaines. — Voire, dist Panurge, et à frere Engainnant aussi, qui, en plein sermon preschant, à Parillé, et détestant les nopces secondes, juroit et se donnoit au plus visle diable d’enfer en cas que mieulx n’aimast depuceller cent filles que bisco»er une vefve. Je trouve vostre raison bonne et bien fondée. Mais que diriez vous si cesfe exemption leurs estoit octroyée pour raison que, tout le decours d’icelle prime année, ilz auroient tant taloche leurs amours de nouveau possédés (comme c’est l’équité et debvoir), et tant esgoutté leurs vases spermaticques, qu’ilz en restaient tous effilés, tous evirés, tous enervéset flatris? Si que, advenant le jour de bataille, plus tost se metlroient au plongeon comme canes, avec le bagaige, qu’avec les combattans et vaillans champions, au lieu onquel par Enyo est meu le hourd et sont les coups départis. Et sous l’e stendart de Mars ne frapperaient coup qui vaille, car les grands coups auroient rués sous les courtines de Venus s’amie.
« Qu’ainsi soit, nou'’> >oyons encores maintenant, entre autres reliques et monumens d’antiquité, qu’en toutes bonnes maisons, après ne sçay quantz jours, l’on envoyé ces nouveaulx mariés voir leur oncle, poiu" les absenter de leurs femmes, et ce pendant soy reposer, et de rechef se avitailler pour mieulx au retour combattre ; quoy que souvent ilz n’ayent ne oncle, ne tante. En pareille forme que le roy Petault, après la journée des Cornabons, ne nous cassa proprement parlant, je dis moy et Courcaillet, mais nous envoya refraischir en nos maisons. Il est encore cherchant la sienne.
« La marraine do mon grand pere me disoit, quand j’estois petit, que
Patenostres et oraisons
Sont pour ceux là qui les retiennent.
Un filTre allant en fenaisons
Est plus fort que deux qui en viennent.
« Ce que m’induict en ceste opinion est que les planteurs de vigne à peine mangeaient raisins, ou beuvoient vin de leur labeur dumit la pre-
mierc année ; et les baslisseurs, pour l’an premier, ne habitoient en leurs logis de nouveau faicis, sus peine de y mourir suffocqués par défailli d’expiration, comme doctement a noté Galen, lib. 11, de la Difficulté de respirer. Je ne l’ay demandé sans cause bien causée, ne sans raison bien résonante. i\e vous desplaise. »
