LIVRE III, CHAPITRE VII

monde reiglée l’affection ; mal, si, hors équité, par l’esprit maling est l'aH’ection dépravée. Seulement me deplaist la nouveaullé et mespris du commun usaige.

— La couleur, respondit Panurge, est aspre aux potz, à propos ; c’est mon bureau ; je le veux dorénavant tenir, et de prés regarder à mes affaires. Puis qu’une fois je suis quitte, vous ne vistes onques homme plus mal plaisant que je seray, si Dieu ne m’aide. Voyez cy mes besicles. A me voir de loing, vous diriez proprement que c’est frere Jean Bourgeoys. Je croy bien que, l’année qui vient, je prescheray encores une fois la croisade. Dieu gard de mal les pelotons. Voyez vous ce bureau? Croyez qu’en luy consiste quelque occulte propriété à peu de gens cogneue. Je ne l’ay prins qu'à ce matin; mais desjà j’endcsve, je dégainé, je grezille d’estre marié, et labourer en diable bur dessus ma femme, sans craincte dès coups de baston. O le grand mesnaiger que je seray ! Après ma mort,, on me fera brusler en bust honorificque, pour en avoir les cendres, en mémoire et exemplaire du mesnaiger perfaict. Corbieu! sus cestuy mien bureau, ne se joue pas mon argentier d’allonger les ss. Car coups de poing trotteroient en face. Voyant moy davant et darriere : c’est la forme d’une toge, antique habillement des Romains on temps de paix. J’en ay prins la forme en la colomne de Trajan à Rome, en l’arc triumphal aussi de Septimius Severus. Je suis las de guerre, las de sages et becquetons. J’ay les espaules toutes usées à force de porter harnois. Cessent les armes, régnent les toges, au moins pour toute ceste subséquente année, si je suis marié, comme vous m’allegastes hier par la loy mosaïq-ue.

« Au regard du hault de chausses, ma grande tante Laurence jadis me disoit qu’il estoit faict pour la braguette. Je le croy, en pareille induction que le gentil falot Galen, lib. IX, de l’Usage de nos membres, dit la teste estre faicte pour les yeux. Car nature eust peu mettre nos testes aux genoulx, ou aux coubdes ; mais, ordonnant les yeulx pour descouvrir au loing, les fixa en la teste comme en un baston, au plus hault du corps ; comme nous voyons les phares et haultes tours sus les havres de mer estre érigées, pour de loing estre veue la lanterne. Et, pource que je voudrais quelque espace de temps, un an pour le moins, respirer de l’art militaire, c’est à dire me marier, je ne porte plus Braguette, ne par conséquent hault de chausses. Car la braguette est première piece de harnois, pour armer l’homme de guerre. Et maintiens, jusques au feu (exclusivement, entendez), que les Turcs ne sont apfemeut armés, veu que braguette porter est chose en leurs loix defendue. »