CHAPITRE IX
COMMENT PANUHGE SE CONSEILLE A PANTAGBl'EL, POUR SÇAVOIR s'il SB DOIBT MAIlIEn
Pantagruel rien ne replicquant, continua Panurge, et dist avec un profond souspir : « Seigneur, vous avez ma deliberation entendue, qui est me marier, si, de malencontrq, n’estoient tous les trous fermés, clous et bouclés : je vous supplie, par l’amour que si long temps m'avez porté, dictes m’en vostre advis.
— Puis, respondit Pantagruel, qu’une fois en avezjettéle dez, et ainsi
l’avez décrété et prins en ferme deliberation, plus parler n’en fault; reste seulement la mettre à execution. — Voire mais, dist Panurge, je ne la voudrois exécuter sans vostre conseil et bon advis. — J’en suis, respondit Pantagruel, d’advis et le vous conseille. ’ -
— .Vlais, dist Panurge, si vous cognoissiez que mon meilleur fust tel que je suis demeurer, sans entreprendre cas de nouvelleté, j’aimerois mieulx ne me marier poinct. — Poinct donc ne vous mariez, respondit Pantagruel. — Voire mais, dist Panurge, voudriez vous qu’ainsi seuletjc demeurasse toute ma vie, sans compaignie conjugale ? Vous sçavez qu’il estescrit : Va soit.' L’homme seul n’a jamais tel soûlas qu’on voit entre gens mariés. — Mariez vous donc, de par Dieu, respondit Pantagruel.
— Mais si, dist Panurge, ma femme me faisoit coqu, comme vous sçavez qu’il en est grande année, ce seroit assez pour me faire trespasser hors les gonds de patience. J’aime bien les coquz, et me semblent gens 1 de bien, et les hante voluntiers ; mais, pour mourir, je ne le vouldrois estre. C’est un poinct qui trop me poingt. — Poinct donc ne vous mariez, i' respondit Pantagruel, car la sentence de Seneque est véritable hors toute exception : Ce qu’à aultruy tu auras faict, sois certain qu’aultruy te fera. — Dictes vous, demanda Panurge, cela sans exception? — Sans exception il le dit, respondit Pantagruel. — Ho ho, dist Panurge, de par le petit diable, il entend en ce monde ou en l'aultre.
« Voire mais, puisque de femme ne me peux passer en plus qu’un aveugle de baston (car il fault que le virolet trotte, aultrement vivre ne sçaurois), n’est ce le mieulx que je m’associe quelque honneste et preude
