LIVRE III, CHAPITRE IX
femme, qu’ainsi changer de jour en jour, avec continuel dangier de quelque coup de baston, ou de la vernie pour le pire? Car femme de bien onques ne me fut rien, et n'en desplaise à leurs mariz. — Mariez vous donc, de par Dieu, respondit Pantagruel.
>— Mais si, dist Panurge, Dieu le voulait, et advint que j’espousasse (luelque femme de bien, et elle me batist, je serois plus que tiercelet de .lob, si je n’enrageois tout vif. Car l’on m’a dict que ces tant femmes de bien ont communément mauvaise teste ; aussi ont elles bon vinaigre en leur mesnaige. Je l’aurois encore pire, et luy battrois tant et trestant sa petite oye fee sont bras, jambes, teste, poulmon, foye et râtelle), tant luy deschiqueterois ses habillements à bastons rompus, que le grand diole en attendroil l'ame damnée à la porte. De ces tabus je me passerais bien pour ceste année, et content serois n’y entrer poinct. — Poinct donc ne vous mariez, respondit Pantagruel.
— Voire mais, dist Panuige, estant en estât tel que je suis, quitte, et non marié. Notez que je dis quitte, en la male heure. Car, estant bien fort cndebté, mes créditeurs ne seraient que trop soigneux de ma paternité. Mais, quitte et non marié, je n'ay personne qui tant de moy se souciast, et amour tel me portast qu’on dit estre amour conjugal. Et, si par cas tombais en maladie, traicté ne serois qu’au rebours. Le sage dit : Li't où n’est femme, j'entends merefamilles et en mariage légitimé, le maade est en grand estrif. J’en ay veu claire expérience en papes, legatz, lardinaux, evesques, abbés, prieurs, prestres et moines. Or là jamais ne m’auriez. — Mariez vous donc, de par Dieu, respondit Pantagruel.
— Mais si, dist Panurge, estant malade et impotent au debvoir de mariage, ma femme, impatiente de ma langueur, à aultruy s’abandonnoit, et non seulement ne me secourust au besoing, mais aussi se mocqnasl de ma calamité, et (que pis est) me desrobast, comme j'ay veu souvent advenir, ce serait pour m’achever de peindre et courir les champs en pourpoinct. — Poinct donc ne vous mariez, respondit Pantagruel.
— Voire mais, dist Panurge, je n’aurois jamais aultrement filz ne filles légitimés, esquelz j'eusse espoir mon nom et armes perpétuer; esquelz je puisse laisser mes héritages et acquestz (j’en feray de beaux un de ces nutins, n’e:i doublez, et d’abondant seray grand retireur de rentes); avec tesqualz je me puisse esbaudir, quand d’ailleurs serois meshaigné, comme je voy jounielleinent vostre tant bening et débonnaire pere faire avec vous, et font tous gens de bien en leur sérail et privé. Car quitte estant, marié non esLant, estant par accident fasché, en lieu de me consoler, advis m’est que de mon mal riez. — Mariez vous donc, de par Dieu, » respondit Pantagruel.
