CHAPITRE XV

EXCISE UE PANUnGE, ET EXPOSITION I>E CADALLE HONASTICQUB EN HATIERB DE BOBCF SALÉ

« Dieu, disl Panurge, gard de mal qui voit bien et n’oyt goutte. Je vous voy très bien, mais je ne vous oy point, et ne sçay que dictes. Le ventre affamé n’a point d’oreilles. Je brame, par Dieu, de male rage de faim. J’ay faict corvée trop extraordinaire. Il fera plus que maisfre Mousche qui de cestuy an me fera estre de songeaillcs. Ne souper point, de par le diable ! Cancre ! Allons, frere Jean, desjeuncr. Quand j’ay bien à point desjeuné, et mon estomac est à point affené, et agrené, encores ponr un kesoing, et en cas de nécessité, me passerais je de disner. Mais ne souper point ! Cancre ! C’est erreur ; c’est scandale en nature.

« Nature a faict le jour pour soy exercer, pour travailler et vacquer ehascun en sa négociation •. et, pour ce plus aptement faire, elle nous fournit de chandelle, c’esî la claire et joyeuse lumière du soleil. Au soir, elle commence nous la tollir, et nous dit tacitement : Enfans, vous estes gens de bien : c’est assez travaillé. La nuyt vient : il convient cesser du^^ labeur, et soy restaurer par bon pain, bon vin, bonnes viandes : puis soy quelque peu esbaudir, coucher et reposer, pour, au lendemain, estre frais et alaigres au labeur, comme devant. Ainsi fout les faulconniers ; quand ilz ont peu leurs oiseaux, ilz ne les font voler sus leurs gorges; ilz les laissent enduire sus la perche. Ce que très bien entendit le bon pape, premier instituteur des jeusnes. Il ordonna qu'on jeusnast jusques à l'heure de Nones, le reste du jour fust mis en liberté de repaistre.

<;( On temps jadis peu de gens disnoient, comme vous diriez les moines et chanoines. Aussi bien n’ont iiz aultre occupation ; tous les jours leur sont testes, et ilz observent diligcntement un proverbe claustral ; de missa ad mensam. Et ne dilTereroient seulement attendans la venue de l'abbé, pour soy enfourner à table. La, en baufrant, attendent les moines l'abbé, tant qu'il voudra; non aultrement, ne en aultre condition. Mais tout le monde soupoit, exceptez quelques resveurs songears : dont est dicte la cene comme coene, c’est à dire à tous commune. Tu le sçais bien, frere Jean. Allons, mon amy, de par tous les diables, allons. Mon estomac aboyé de male faim comme un chien. Jettons luy force soupes en gueule pour l'appaiser, à l’exemple de la Sibylle envers Cerberus. Tu aimes les soupes de prime; plus me plaisent les soupes de Icurier, associées de quelque pièce de laboureur, salé à neuf leçons.

— Je t'entends, respondit frere Jean : ceste métaphore est cxtraicte de la marmite claustrale. Le laboureur, c’est le bœuf qui laboure, ou a labouré ; à neuf leçons, c’est à dire cuict à perfection. Car les bons peres de religion, par certaine caballisticque institution des anciens, non escrite, mais baillée de main en main, soy levans, de mon temps, pour matines, faisoient certains préambules notables avant entrer en l'église. Fiantoient aux fiantoirs, pissoient aux pissoirs, et crachoient aux crachoirs; toussoient aux toussoirs mélodieusement, resvoient aux rcsvoirs, afin de rieti immonde ne porter au service divin. Ces choses faictes, dévotement se transportoient en la saincte chapelle, ainsi estoit en leurs rebus nommée la cuisine claustrale, et dévotement sollicitoient que des lors feust au feu le bœuf mis pour le desjeuner des religieux, freres de Nostre Seigneur. Eux mesmes souvent allumoient le feu sous la marmite. Or est que, matines ayant neuf leçons, plus matin se Icvoient, par raison plus aussi multiplioient en appétit et alteration aux aboys du parchemin, que matines estant ourlées d’une ou trois leçons seulement. Plus matin se levans, par H^icte caballfe, plus tost estoit le bœuf au feu :

Plus y estant, plus cuict restoit.

Plus cuict restant, plus tendre estoit;

moins usoit les dents, plus delectoit le palat, moins grevoit l’estomac, plus Bourrissoit les bons religieux. Qui est la fin unique et intention première des fondateurs : en contemplation de ce qu'ilz ne mangent mie pour vivre, ilz vivent pour manger, le n’ont que leur vie en ce monde. Allons, Panurge.

— A ceste heure, disl Panurge, t’ay je entendu, couillon velouté, couillon claustral et caballicque. Il me y va du propre cabal. Le sort,

LIVKE III, CIIAPITKE XVI

Ü'tS

l'usure, et les inlerelz je pardonne. Je me contente des despens, puis que tant diserlenient nous as faict répétition sus le cliapitre singulier de la cabulle culinaire et monasticque. Allons, Carpalim. Frere Jean, mon baudrier, allons. Bon jour, tous mes bons seigneurs. J’avois assez songé pour Ixiire. Allons. »

Banurge n’avoit ce mot achevé, quand Epistemon à liaulte voix s’escria. disant : « Chose bien commune et vulgaire entre les humains est le malheur d'aultruy entendre, prévoir, cognoistrc et prédire. Mais, d que chose rare est son malheur propre prédire, cognoistre, prévoir, et entendre ! Et que prudentement le figura Esope en ses apologues, disant chascun homme en ce monde naissant une bezace au coul porter, au sachet de laquelle davant pendant sont les faultes et malheurs d'aultruy, tousjours exposées à nostre veue et cognoissance ; au sachet darriere pendant sont les faultes et malheurs propres : et jamais ne sont veues ny entendues, fors de ceux qui des cieulx ont le benevole aspect. »