CHAPITRE XVIII
COMIIEÎiT PANTAGRUEL ET PANURGB DtVBBSEllENT EXPOSENT LES VERS DE LA SUYLLE DE PANZODST
Les feuilles recueillies, retournèrent Epistemon et Panurge en la court de Pantagruel, part joyeux, part faschés. Joyeux, pour le retour ; faschès, pour le travail du chemin, lequel trouvèrent raboteux, pierreux et mal ordonné. De leur voyage firent ample rapport à Pantagruel, et de l’estât de la sibylle : enfin luy présentèrent les feuilles de sycomore, et moiistrerent l’escriture en petits vers. Pantagruel, avoir leu le totaige, dist à Panurge en souspirant : « Vous estes bien en poinct ; la prophétie de la sibylle apertement expose co que ja nous estoit dénoté, tant par les sors Virgilianes que par vos propres songes : c’est que par vostre femme serez deshonoré ; que elle vous fera coqu, s’abandonnant à aultruy, et par aultruy ilevenant grosse; qu’elle vous desrobera par quelque bonne partie, et qu’elle vous battra, escorchant et meurtrissant quelque membre du corps.
— Vous entendez autant, respondit Panurge, en exposition de ces récentes prophéties comme fait truie en espices. Ne vous desplaise si je le dis, car je me sens un peu fasché. Le contraire est véritable. Prenez bien mes motz. La vieille dit ; Ainsi comme la febve n’est veue si elle n’est esgoussée, aussi ma vertu et ma perfection jamais ne seroit mise en renom si marié je n’estois. Quantes fois vous ay je ouy disant que le magistrat et l’office descouvre l’homme, et met en évidence ce qu'il avoit dedans le jabot? C’est à dire que, lors on cognoit certainement quel est le per-
sonnaige, et combien il vault, quand il estappellé au maniement des affaires. Au paravant, sçavoir est estant l'homme en son privé, on ne sçait pour certain quel il est, non plus que d’une febve en gousse. Voylà quant au premier article. Aulirement voudriez vous maintenir que l’honneur et bon renom d’un homme de bien pendist au cul d’une putain?
« Le second dit : Ma femme engraissera (entendez icy la prime félicité de mariage), mais non de moy. Cor bien, je le croy. Ce sera d’un beau petit enfantelüt qu’elle sera grosse. Je l'aime dcsja tout plein, et ja en suis tout assoly. Ce sera mon petit bedault. Fascherie du monde tant grande, et vehemente n’entrera désormais à mon esprit, que je ne passe, seulement le voyant et le oyant jargonner en son jai^onnoys puéril. Et benoiste soit la vieille! je luy veulx, vray bis, constituer en Salmigondinois quelque bonne rente, non courante, comme bacheliers insensés, mais assise, comme beaux docteurs regens. Aultrement voudriez vous que ma femme dedans ses flancs me portast? me conceust? me enfantast? et qu’on dist ; Panurçe fesl un second Bacchus? Il est deux fois né. Il est rené, comme fut Hippolytus, comme fut ProUus, une fois de Thetis, et secondement de la mere du philosophe Appollonius ; comme furent les deux- Palices, prés du fleuve Simelhos en Sicile. Sa femme estoit grosse de luy. En luy est renouvcllée l’antique palintocie des Megariens, et la palingenesie de Demo> critus. Erreur! Ne m’en parlez jamais.
« Le tiers dit : Ma femme me sugeera le bon bout. Je m’y dispose. Vous entendez assez que c’est le basfon à un bout qui me pend entre les jambes. Je vous jure et prometz que tousjours le maintiendray succulent et bien avitaillé. Elle ne me le sugeera poinct en vain. Eternellement y sera le petit picotin, ou mieulx. Vous exposez allegoricquement ce lieu, et l’interpretez à larrecin et furt. Je loue l’exposition, l’allegoric me plaist, mais non à vostre sens. Peut estre que l’affection sincere que me portez vous tire en partie adverse et réfractaire, comme disent les clercs chose merveilleusement crainctive estre amour, et jamais le bon amour n’ estre sans craincte. Mais, selon mon jugement, en vous mesme vous entendez que furt, en ce passaige comme en tant d’aultres des scripleurs latins et antiques, signifie le doulx fruict d’amourettes; lequel veult Venus estre secrètement et furtivement cuilly. Pourquoy, par vostre foy? Pource que la chosette, faicte à l’emblée, entre deux huys, à travers les degrés, darriere la tapisserie, en tapinois, sus un fagot desroté, plus plaist à la déesse de Cypre (et en suis là, sans préjudice de meilleur advis), que faicte en veue du soleil, à la cynique, ou entre les précieux conopées, entre les courtines dorées, à longs intervalles, à plein guogo, avec un esmouchail de soye cramoisiue et un panache de plumes Indiques chassant les moucfies
la
