LIVRE- III, CHAPITRE XVIII
d’autour, et la femelle s’escurant les dents avec un brin de paille, qu’ella ce pendant auroit desraché du fond de la paillasse.
« Aultrement, voudriez vous dire qu’elle me desrobast en sugçant, comme qn avalle les huytres en escalle, et comme les femmes de Cilicie (lesmoing Dioscorides) cueillent la graine des alkermes ? Erreur. Qui desrobe, ne sugce, mais gruppe; n’avalle, mais emballe, ravit, et joue de passe passe.
« Le quart dit : Ma femme me l’escorchera, mais non tout. O le beau mot! Vous l’interpretez à batterie et meurtrissure. C’est bien à propos truelle, Dieu te gard de mal, masson. Je vous supplie, levez un peu vos esprits de terriene pensée en contemplation haultaiue des merveilles de nature ; et icy condamnez vous vous mesmes pour les erreurs qu’avez commis, perversement exposant les dietz propheticques de la dive sibylle. Posé, mais non admis ne concédé le cas que ma femme, par l’instigation de l’ennemy d’enfer, voulust et entreprint me faire un mauvais tour, me diffamer, me faire coqu jusqu’au cul, me desrober, et oultrager, encores ne viendra elle à fin de son vouloir et entreprinse. La raison qui x
, ce me meut est en ce poinct dernier fondée, et est extraicte du fond de panthéologie monastique. Frere Artus Culletant me l’a aulfrefois dict, et fut par un lundy matin, mangeans ensemble un boisseau de goudiveaulx, et si pleuvoit, il m’en souvient ; Dieu luy doint le bon jour!
« Les femmes, au commencement du monde, ou peu après, cnsemblement conspireront escorcher les hommes tous vifz, par ce que sus elles maistriser voulaient en tous lieux. Et fut cestuy decret promis, confermé et juré entre elles par le sainct sang breguoy. Mais, ô vaines entreprinses des femmes! ô grande fragilité du sexe féminin ! Elles commencèrent escorcher l’homme, ou gluber, comme le nomme Catulle, par la partie qui plus leur haite : c’est le membre nerveux, caverneux. Plus de six mille ans a, et toutesfois jusques à présent n’en ont escorché que la teste. Dont, par fin despit, les Juifz eux mesmes, en circoncision se le coupent el retaillent, mieulx aimans estre dicts recutis et retaillatz maranes, que escorchés par femme, comme les aultres nations. Ma femme, non dégénérante de ceste commune entreprinse, me l’escorchera, s’il ne l’est. J’y consens de franc vouloir, mais non tout, je vous en asceure, mon bon roy.
" — Vous, dist Epistemon, ne respondez à ce que le rameau de laurier, nous voyons, elle considérant et exclamant en voix furieuse et espouvantable, brusloit sans bruytne grislement aucun. Vous savez que c’est triste augure et signe grandement redoutable, comme attestent Properce, Tibulle, Porphyre, philosophe argut, Eustalhius sus VIliade homericque, et aultres.
— Vrayement, respondit Panurge, vous me alléguez de gentilz veaux. Hz furent folz comme poètes, et resveurs comme pliilosophes ; autant pleins de fine folie, comme estoit leur philosophie, i»
