LIVRE III, CHAPITRE XIX
« J’ay davantaige leu, en auteur docte et élégant, que Tyridates, roy de Arménie, au temps de Néron, visita Rome, et fut receu en solennité honorable et pompes magnificques, afin de l’entretenir en amitié sempiternelle du sénat et peuple romain ; et n’y eut chose mémorable en la cité qui ne luy fust monstrée et exposée. A. son departement, l’empereur luy fit dons grands et excessifz ; oultre, luy fit option de choisir ce que plus en Rome luy plairoit, avec promesse jurée de non l’escoiiduire, quoy qu’il demaiidast. 11 demanda seulement un joueur de farces, lequel il avoit veu au théâtre, et, n’entendant ce qu’il disoit, eiitendoit ce qu’il exprimoit par signes et gesticulations; allegant que, sous sa domination, estoient peuples de divers langaiges, pour es quelz respondre et parler luy convenoit user de plusieurs truchemens ; il seul à tous suffiroit. Car, en maüere de signifier par gestes, estoit tant excellent qu’il sembloit parler des doigts. Pourtant, vous fault choisir un mut sourd de nature, afin que ses gestes et signes vous soient naïfvement propheticques, non feincts, fardés, ne affectés. Reste encores sçavoir si tel advis voulez ou d’homme ou de femme prendre.
— Je, respondit Panuige, voluntiers d’une femme le prendrois, ne fust que je crains deux choses :
« L’une, que les femmes, quelques choses qu’elles voyent, elles se représentent en leurs esprits, elles pensent, elles imaginent quç soit l’entrée du sacre Ithyphalle. Quelques gestes, signes et maintiens que l'on face en leur veue et presence, elles les interprètent et referent à l’acte mouvant de belutaige. Pourtant y serions nous abusés, epr ta femme penserait tous nos signes estre signes veneriens. Vous souvienne de ce qu’advint en Rome deux cens soixante ans après la fondation d’icelle : un jeune gentil homme romain, rencontrant au mons Celion une dame latine nonunée Verone, mute et sourde de nature, luy demanda, avec gesticulations itaficques, en ignorance d’icelle surdité, quelz sénateurs elle avoit renço^ntré par la montée. Elle, non entendant ce qu’il disoit, imagina estre ce qu’elle pourpensoit, et ce que mi jeune homme naturellement demande d’une femme. .Adonc par signes (qui en amour sont incomparablement plus attractifz, efficaces et valables que paroles) le tira à part en sa maison, signes luy fit que le jeu luy plaisoit. En fin, sans de bouche mot dire, firent beau bruit de culetis ;
« L’aultre, qu’elles ne feroieut à nos signes response aucune : elles soudain tomberoient en arriéré, comme réallement consentantes à nos facites demandes. Ou, si signes aucuns nous faisoient responsiiz à nos propositions, ilz seroient tant follastres et ridicules que nous mesmes estimerions leurs peusemens estre veneréicques.
« Vous Eçavez comment, à Brignoles, quand la nonnain soeur Fessue fut par <e jeune briffaut dam Royddimet engroissée, et, la groisse cogneue, appellée par l'abbesse en chapitre, et arguée de inceste , elle s’excusoit, allegante que ce n’avoit esté de son consentement, ce avôit esté par violence, et par la force du frere Royddimet. L'abbesse répliquant, et disant : « Mesebante, c’estoit on dortouoir, pourquoy ne criois tu à la « force? Nous toutes eussions couru à ton aide. » Respondit qu’elle n’osoit crier au dortouoir, pour ce qu’au dortouoir y a silence sempiternelle. « Mais,
« dist l’abbesse, mesebante que tu es, pourquoy ne faisois tu signe à tes « voisines de chambre? — Je, respondit la Fessue, leurs faisois signes du « cul tant que povois, mais personne ne me secourut. — Mais, demanda « l’abbesse, mesebante, pourquoy incontinent ne me le vins tu dire, et « l’accuser regulierement ? Ainsi eupse je faict, si le cas me fut advenu,
« pour demonstrer mon innocence. — Pource, respondit la Fessue, que,
« craignant demeurer en péché et estât de damnation, de peur que ne fusse « de mort soudaine prévenue, je me confessay à luy, avant qu’il départis!
« de la chambre ; et il me bailla en penitence de non le dire ne dcceler « à personne. Trop énorme eust esté le péché, reveler sa confession, et « trop détestable davant Dieu et les anges. Par adventure, eust ce esté « cause que le feu du ciel eust ars toute l’abbaye, et toutes fussions « tombées en abisme avec Dathan et Abiron. »
— Vous, dist Pantagruel, ja ne m’en ferez rire. Je sçay assez que toute moinerie moins crainct les commandements de Dieu transgresser que leurs statutz provinciaulx. Prenez donc un homme. Nazdecabre me semble idoine. R est mut et sourd de naissance. »
