LIVRE ni. CHAPITRE XX
Pieusement clicquer entre ses cuisses; se enclina fléchissant le genoil gauche, et resta tenant ses deux bras sus la poictrine, lassés l’un sus l’aultre.
Nazdecabre curieusement le regardoit, puis leva la main gauche en l'air, «t retint clous en poing tous les doigts d'icelle, excepté le poulce et le doigt indice : desquels il accoubla mollement les deux ongles ensemble.
« J’entends, dist Pantagruel, ce qu’il prétend par cestuy signe. Il dénoté mariage, et d’abondant le nombre trentenaire, selon la profession des Pythagoriciens. Vous serez marié. — Grand mercy (dist Panuige, se tournant vers Nazdecabre), mon petit architriclin, mon comité, mon algasan, mon sbire, mon barizel. »
Puis leva en l’air plus hault la dicte main gauche, estendant tous les cinq doigts d’icelle, et les csloignant uns des aultres, tant que esloigner povoit. « Icy, dist Pantagruel, plus amplement nous insinue, par signification du nombre quinaire, que serez marié. Et non seulement efflancé, espou.sé, et marié, mais en oultre que habiterez, et serez bien avant de feste. Car Pylhagoras appelloit le nombre quinaire nombre, nuptial, nopces et mariage consommé, pour ceste raison qu’il est composé de trias, qui est nombre premier impar et superflu, et de dyas , qui est nombre premier par ; comme de masle et de femelle, coublés ensemblement. De faict, à Rome, jadis, au jour des nopces, on allumoit cinq flambeaulx de cire, et ii’estoit licite d’en allumer plus, fust es nopces des plus riches ; ne moins, fust es nopces des plus indigens. D’avantaige, on temps passé, les payens imploroient cinq dieux, ou un dieu en cinq bénéfices, sus ceux que l’on marioit : Jupiter nuptial, Juno présidente de la feste. Venus la belîfe, Pitho déesse de persuasion et beau parler, et Diane, pour secours on travail d’enfantement. — O, s’escria Panurge, le gentil Nazdecabre ! Je luy veulx donner une métairie prés Cinays, et un moulin à vent en Mirebalais.' »
Ce faict, le mut esternua en insigne vehemence et concussion de tout le corps, se destournaut à gauche. « Vertus bœuf de bois, dist Pantagruel, qu’est cela? Ce n’est à vostre advantaige. Il dénoté que vostre mariage sera infauste et malheureux. Cestuy esternuement ( selon la doctrine de Terpsionjest le démon socraticque : lequel, faict à dextre, signifie qu’eu asceurance et hardiment on peut faire et aller ce et la part qu’on a délibéré, les entrée, progrès et succès seront bons et heureux ; faict à gauche, au contraire. — Vous, dist Panurge, tousjours prenez les matières au pis, et tousjours obturbez, comme un aultre Davus. Je n’en croy rien. Et ne cogneuz onques sinon en déception ce vieux trepelu Terpsion. — Toutesfois, dist Pantagruel, Cicéron en dit je ne sçay quoy au second livre de Divination. »
PANTAGBUEL
Puis se tourne vers Nazdecabre, et luy fait tel signe : ii renversa les •paulpieres des yeulx contre mont, tortoit les mandibules de dextrc en senestre, tira la langue à demy hors la bouche. Ce faict, posa la main gauclie ouverte, excepté le maistre doigt, lequel re(int perpendiculairement sus la'paulme, et ainsi l'assist au lieu de sa braguette : la dextrc retint close en poing, excepté le poulce, lequel droit il retourna arriéré sous l'escelle dextre, et l’assist au dessus des fesses, on lieu que les Arabes •appellent al katim. Soudain après changea, et la main dextre tint en forme de la senestre, et la posa sus le lieu de la braguette ; la gauche tint en forme de la dextre, et la posa sus l’ai katim. Cestuy changement de mains ■réitéra par neuf fois. A la neufviesme, remit les paulpieres des yeulx en leur position naturelle, aussi fit les mandibules et la langue ; puisjetta son regard biscle sus Nazdecabre, branslant les baulevres, (comme font les cinges de séjour, et comme font les connins mangeans avoine en gerbe.
Adonc Nazdecabre eleva en l’air la main dextre toute ouverte, puis mit le poulce d’icelle jusques à la première articulation, entre la tierce joincture du maistre doigt et du doigt medical, les resserrant assez fort autour du poulce : le reste des joinctures d’iceux retirant au poing, et droits extendant les doigts indice et petit. I.a main ainsi composée posa sus le nombril de Panuige, mouvant continuellement le poulce susdict , et appuyant icelle main sus les doigts petit et indice, comme sus deux jambes. Ainsi montoit d’icelle main successivement à travers le ventre, le stomach, la poictrine, et le col de Panurge ; puis au menton, et dedans la bouche luy mit le ■susdict poulce branslant : puis luy en frotta le nez, et, montant oultre aux yeulx, feigiioit les luy vouloir crever avec le poulce. A tant Panurge se fasclia, et tasclioit se défaire et retirer du mut. Mais Nazdecabre continuoit, luy touchant, avec celuy poulce branslant, maintenant les yeulx, maintenant le front, et les limites de son bonnet. Enfin Panurge s’escria disant : « Par Dieu, maistre fol, vous serez battu, si ne me laissez ; si plus me faschez, vous aurez de ma main un masque sus votre paillard visaige.
— Il est, dist lors frere Jean, sourd. Il n’entend ce que tu luy dis, rouillon. Fais luy en signe une gresle de coups de poing sur le mourre. — Que diable, dist Panurge, veult prétendre ce maistre Aliboron ? [il m’a presque poché les yeulx au beurre noir. Par Dieu, da jurandi, je vous festoiray d’un banquet de nazardes, entrelardé de doubles chiquenaudes. » Puis le laissa, luy faisant la petarrade. Le mut, voyant Panurge démarcher, gaigna le davant, l’arresta par force, et luy fit tel signe : il baissa le bras dextre vers le genoil, tant que pouvoit l’extendre, clouant tous les doigts en poing, et passant le poulce entre les doigts maistre et indice. Puis, avec la
LIVHK III, CHAIMl'HE XXI
main gauche, frottoit le dessus du coubde du susdit bras dextre, et peu à peu à ce frottement levoit en l’air la main d'iceluy, jusques au coubde et au dessus ; soudain la rabaissoit comme davant ; puis à intervalles la relcvoit, la rabaissoit, et la monstroit à Panurçe.
Panurge, de ce fasché, leva le poing pour frapper le mut; Ynais îl révéra la presence de Pantagruel et se retint. Alors dist Pantagruel : a Si les signes vous faschcnt, ô quant Vous fascheront les choses sipifiées! Tout vray à tout vray consonne. Le mut prétend et dénote que serez marié, coqu, battu, et desrobbé. — Le mariage, dist Panui^e, je concédé, je nie le demeurant. Et vous prie me taire ce bien de croiçe que jamais homme n’eut en femme et en chevaulx heur tel que m’est prédestiné. J)
