LIVRE III, CHAPITRE XXIV

a Vous entendant parler, me faites souvenir du vœu des Argives à la large perruque, lesquels, ayans perdu la bataille contre les Lacedemoniens en la controverse de Thyrée, firent vœu cheveulx en teste ne porter jusques à, ce qu’ilz eussent recouvert leur honneur et leur terre ; du vœu aussi du plaisant Espagnol Michel Doris, qui porta le trançon de greve en sa jambe. Et ne sçay lequel des deux seroit plus digne et méritant, porter chapperon verd et jaune à oreilles de lievre, ou iceluy glorieux champion, ou Enguerrant qui en fait le tant long, curieux et fascheux conte, oubliant l'art et maniéré d’escrire histoires, baillée par le philosophe Samosatoys.

« Car, lisant iceluy long narré, l’on pense que doibve estre commencement et occasion de quelque forte guerre ou insigne mutation des royaumes ; mais, en fin de compte, on se mocque, et du benoist champion, et de l’Aiigloys qui le défia, et de Enguerrant leur tabellion, plus baveux qu’un put à moustarde.

« La mncquerie est telle que de la montaigne d'Horace, laquelle crioit et lamentoit énormément, comme femme en travail d’enfant. A son cry et lamentation accourut tout le voisinaige, en expectation ' de voir quelque admirable et monstrueux enfantement ; mais enfin ne nasquit d’elle qu’une petite souris.

— Non pourtant, dist Panurge, je m’en soubris.

‘ « Se mocque qui clocque.

a Ainsi feray comme porte mon vœu. Or long temps a que avons ensemble, vous et moy, foy et amitié jurée par Jupiter Philios. Dictes m’cr» vostre advia. Me doibs je marier ou non?

— Certes, respondit Epistemon, le cas est hasardeux; je me sens par trop insuffisant à la resolution. Et, si jamais fut vray en l’art de medecine le dict du vieil Hippocrates de Lango ; jugement difficile, il est en cestuy endroit verissime.

« J’ay bien en imagination quelques discours moyennant lesquels nous aurions détermination sus vostre perplexité; mais ils ne me satisfont poinct apertement. Aucuns Platoniques disent que qui peut voir son Genius peut entendre ses destinées. Je ne comprends pas bien leur discipline, et ne suis d’advis que y adhérez. 11 y a de l’abus beaucoup. J’en ay veu l’experience en un gentilhomme studieux et curieux on pays d’Estangorre. C’est le poinct premier.

« Un aultre y a. Si encores regnoient les oracles de Jupiter en Ammon, de Apollo en Lebadie, Delphes, Delos, Cyrrhe, Patare, Tegyres, Preneste» Lycie, Colophon; en la fontaine Castalie, prés Antioche en Syrie; entre les Brauchidesde Bacchus en Dodone; de Mercure, en Phares, prés Patras; de Apis, en Egypte; de Serapis, en Canobe ; de Faunus, en Melauie et en

Albunée, prés Tivoli ; de Tiresias, en Orchomene ; de Mopsus, en Cilicie; de Orpheus, en Lesbos ; de Tropbonins, en Leucadie, je serois d’advis (par adventure non Serois) y aller et entendre quel seroit leur jugement sus vostre entreprinse. Mais vous sçavez que tous sont devenuz plus mutz que poissons, depuis la venue de celuy Roy servateur, onquel ont prins fin tous oracles et toutes prophéties : comme, advenante la lumière du clair soleil, disparent tous lutins, lamies, lémures, guaroux, farfadetz et tenebrions. Ores, toutesfois qu’encores fussent en régné, ne conseillerois je facilement adjouster foy à leurs responscs. Trop de gens y ont esté trompés.

« Davantaige, je me recorde que Agrippine mit sus à Lollie la belle, avoir interrogé l’oracle d'Apollo Clarius pour entendre si mariée elle scroit avec Claudius l’empereur. Pour ceste cause fut premièrement bannie, et depuis à mort ignominieusement mise.

— Mais, dist Panurge, faisons mieulx. Les isles Ogygies ne sont loing du port de Sammalo; faisons y un voyage après qu’aurons parlé à nostre roy.

« En l’une des quatre, laquelle plus a son aspect vers soleil couchant, on dit, je l’ay leu en bons et antiques auteurs, habiter plusieurs divinateurs, vaticinatpurs et prophètes ; y estre Saturne lié de belles chaînes d’or dedans une roche d’or, alimenté de ambroisie et nectar divin; lesquelz journellement luy sont des cieulx transmis en aboildance par ne sçay quelle espece d’oiseaux (peut estre que sont les mesmes corbeaulx qui alimentoient es desers sainct Pol premier hermi(e) ; et apertement prédire à un chascun qui veult entendre son sort, sa destinée, et ce que luy doibt advenir. Car les Parces rien ne filent, Jupiter rien en propense et rien ne délibéré que le bon pere, en dormant, ne cognoisse. Ce nous seroit grande \ abbreviation de labeur, si nous le oyons un peu sus ceste mienne \ perplexité.

— C’est, respondit Epistemon, abus trop évident, et fable trop fabuleuse. Je n’iray pas. » '