LIVRE 111, CHAPITRE XXVllI

proye, et dire : Haie, compaignon. Et quand ma femme future seroit aussi gloutte du plaisir venerieii que fut onques Jlessalina, ou la marquise de Oiiicestre eu Angleterre, je te prie croire que je l’ay encores plus copieux au contentement.

« Je n'ignore que Salomon dit, et en parloit comme clerc et sçavant. Depuis luy, Arisloteles a dcclairé l’estre des femmef estre de soy insatiable;'mais je veulx qu’on saiclie que, de mesme calibre, j’ay le ferrement infatigable. Ne m’allegues poinct icy en paragon les fabuleux ribaulx Hercules, Proculus, César, et Maliumet, qui se vante en son Alcoran avoir en ses genitoires la force de soixante gallefretiers. Il a menty, lo paillard. Ne ra’allegues poinct l’Indian tant célébré par Théophraste, Pline et Atheneus, lequel, avec l’aide de certaine herbe, le faisoit en un jour soixante et dix fois, et plus. Je n’en croy rien. Le nombre est supposé. Je te prie* ne le croire. Je te prie croire (et ne croiras chose que ne soit vraye) mon naturel, le sacre Ithyphalle, messer Cotai d’Albingues, estre le prime del monde. Escoute ça, couillette. Vis tu onques le froc du moine de Castres? Quand on le posoit en quelque maison, fustà descouvert, fust à cachettes, soudain, par ea vertu horrifique, tous les manans et habitans du lieu entroient en ruyt, bestes et gens, hommes et femmes, jusques aux ratz et aux chatz. Je te jure qu’en ma braguette, j'ay autrefois cogneu certaine energie encore plus anomale. Je ne te parlera} de maison ne de buron, de sermon ne de marché ; mais, à la Passion qu’on jouoit à Sainct-Maixant, entrant un jour dedans le parquet, je vis, par la vertu et occulte propriété d’icelle, soudainement tous, tant joueur.que specUtteurs, entrer en tentation si terrificque qu’il n’y eut ange, homme, diable, ne diablesse qui ne voulust biscoter. Le portecole abandonna sa copie ; celuy qui jouoit sainct Michel descendit par la volleric ; les diables sortirent d’enfer, et y emportoient toutes ces pauvres femmelettes ; mesmes Lucifer se i^eschayna. Somme, voyant le desarroy, je • deparquay du lieu, à l’exemple de Caton le Censorin, lequel, voyant par sa presence les festes Floralies en desordre, désista estre spectateur. »