CHAPITRE XXVIII

COHHENT FAERE JEAN RECONFORTE PANDRGE SUS LE UOUBTE DE COOUAGE

« Je t’entends, dist frère Jean, mais le temps matte toutes choses. Il n’est le marbre, ne le porphyre qui n’ait sa vieillesse et decadence. Si lu n’en es là pour ceste heure, peu d’années après subséquentes je te oiray confessant que les couilles pendent à plusieurs par faute de gibbessierc.

Desja voy je ton poil grisonner en teste. Ta barbe, par les distinctions du gris, du blanc, du tanné et du noir, me semble une mappemonde. Regarde icy : voylà Asie ; icy sont Tigris et Euphrates. Voylà Afrique ; icy est la montaigne de la Lune. Vois tu les paluz du Nil? Deçà est Europe. Vois tu Theleme? Ce toupet icy tout blanc sont les monts Hyperborées. Par ma soif, mon amy, quand les neiges sont es montaignes, je dis la teste et le menton, il n’y a pas grand chaleur par les vallées de la braguette.

— Tes males mules respondit Panurge. Tu n’entends pas les topiques. Quand la neige est sus les montaignes, la fouldre, l'esclair, les lanciz, le maulubec, le rouge grenat, le tonnoire, la tempeste, tous les diables sont par les vallées. En veulx tu voir l’experience ? Va ou pays de Suisse, et considéré le lac de Wunderberlich, à quatre lieues de Berne, tirant vers Sion. Tu me reproches mon poil grisonnant, et ne considéré poinct comment il est de la nature des pourreaux, es quelz nous voyons la teste blanche et la queue verde, droite et vigoureuse.

« Vray est qu’en moy je recognois quelque signe indicatif de vieillesse, je dis verde vieillesse. Ne le Mis à personne : il demeurera secret entre nous deux. C’est que je trouve le vin meilleur et plus à mon goust savoureux que ne soulois ; plus que ne soulois, je crains la rencontre du mauvais vin. Note que cela argüe je ne sçay quoy du ponent, et signifie que le midy est passé. Mais quoy ? Gentil compaignon tousjours, autant ou plus que jamais. Je ne crains pas cela, de par le diable. Ce n’est là où me deult. Je crains que par quelque longue absence de nostre roy Pantagruel, auquel force est que je face compaignie, voire allast il à tous les diables, ma femme me face coqu. Voy là le mot peremptoire : car tous ceux à qui j’en ay parlé m’en menassent, et afTermcnt qu'il m’est ainsi prédestiné des cieulx. — Il n’est, respondit freré Jean, coqu qui veult. Si tu es coqu,

Ergo ta femme sera belle,

' Ergo seras bien traicté d’ellej

ergo tu auras des amis beaucoup ; ergo tu seras saulvé. Ce sont topicques monachales. Tu n’en vauldras que mieux, pecheur. Tu ne fus jamais si aise. Tu n’y trouveras rien moins. Ton bien accroistra davantaige. S’il est ainsi prédestiné, y voudrois tu contrevenir? dis, couillon flatry, couillon ' moisy, couillon rouy,