LIVRE 111, CHAPITRE XLVIll
pensé : de tout ce négoce je me deportois sus voslre bonne volonté et paternel commandement. Plus tost prie Dieu estre à vos pieds veu roide mort en vostre desplaisir que, sans vostre plaisir, estre veu vif marié. Je n'ay jamais entendu que, par loy aucune, fust sacre, fust propnane et barbare, ait esté en arbitre des enfans soy marier, non consentans, voulans, et promovens leurs peres, meres et parens prochains. Tous législateur.' ont es enfans ceste liberté tollue, es parens l’ont réservée.
— Filz très cher, dist Gargantua, je vous en croy, et loue Dieu de ce (|ii’ù vostre notice ne viennent que choses bonnes et louables, et que, pa:’ les fenestres de vos sens, rien n’est on domicile de vostre esprit entré fors libend sçavoir, car de mon temps, a esté par le continent trouvé pays onqnel sont ne sçay quclzpastophorestaulpetiers, autant abborrens de nopces comme les pontifes de Cybele en Pbrygie (si chappons fussent, et non Gais pleins de salacité et lascivie) Icsquelz ont dict loix es gens mariés sus lefaicl de mariage. Et ne sçay que plus doibve abominer, ou la tyrannicque presumption d’iceux redoublés tanlpetiers, qui ne se contiennent dedans les treillis de leurs mystérieux temples, et s'entremettent de négoces contraires par diamètre entier à leurs estatz, ou la superstitieuse stupidité des gens mariés, qui ont sanxi et presté obéissance à telles tant malignes et barbaricques loix. Et ne voyent (ce que plus clair est que l’estoile matule) comment telles sanctions connubiales toutes sont à l’advantaige de leurs rnystes, nulles au bien et profit des mariés ; qui est cause suffisante pour les rendre suspectes comme iniques et fraudulentes.
« Par réciproque témérité, pourroient ilz loix establir à leurs mystes, sus le faict de leurs ceremonies et sacrifices ; attendu que leurs biens ils déciment et roignent du guaing provenant de leurs labeurs et sueur de leurs mains, pour en abondance les nourrir, et en aise les entretenir. Et ne seroient, selon mon jugement, tant perverses et impertinentes comme celles sont lesquelles d’eux ilz ont receu. Car, comme très bien avez dict, loy au monde ii’estoit, qui es enfans liberté de soy marier donnast, sans le sceii. l’adveu et consentement de leurs peres. Moyennans les loix dont je vous parle, n’est ruffian, forfant, scélérat, pendart, puant, punais, ladre, briguant, voleur, mcschant en leurs contrées, qui violentement ne ravisse quelque fille il vouldra choisir, tant soit noble, belle, riche, honneste, pudicqiic que sauriez dire, de la maison de son pere, d’entre les bras de s.-; mere, maiilgré tous ses parens, si le ruffian se y a une fois associé quelque myste, qui quelque jour participera de la proye.
« Feroieiit pis et acte plus cruel les Gothz, les Scytes, les Massagrtes. en place ennemie, par longtemps assiégée, à grands frais oppugnée, prinse par force? Et voyent les dolens peres et meres hors leurs maisons enlcvir
et tirer par un incogneu, estrangier, barbare, maslin, tout poürry, chancreux, cadavéreux, pauvre, malheureux, leurs tant belles, delicales, riches et saines tilles, lesquelles tant chèrement avoieni nourries en tout exercice vertueux, avoient disciplinées en toute honuesicté esperans en temps opportun les colloquer par mariage avec les enfans de leurs voisins et antiques amis, nourris et institués de mesnie soing.pour parvenir à ceste félicité de mariage, que d’eux ilz vissent naistre lignage rapportant et hereditant, non moins aux mœurs de leurs peres et meres qu’à leurs biens meubles et heritaiges. Quel spectacle pensez vous que ce leur soit? Ne croyez que plus enorme fust la désolation du peuple romain et ses confédérés, entendans le deces de Germanicus Drusus.
« Ne croyez que plus pitoyable fust le deconfort des Lacedemoniens quand de leur pays virent, par l’adultéré troyau, furtivement enlevée Helene grecque.
« Ne croyez leur deuil et lamentations 'estre moindres que de Ceres quand luy fut ravie Proserpine, sa fille; que de Isis à la perle de Osyris, de Venus à la mort de Adonis, de Hercules à l’csgarement de Hylas, de llccuba à la soustraction de Polyxcne.
a Hz toutesfois tant sont de craincte du démon et superstitiosité espris que contredire ilz n’osent, puisque le taulpetier y a esté présent ef contractant. Et restent en leurs maisons, privés de leurs filles tant aimées, le pere mauldissant le jour et heure de ses nopces; la mere regrettant que n’estoit avortée en tel tant triste et malheureux enfantement; et en pleurs et lamentations finent leur vie, laquelle estoit de raison finir en joie et bon traictement d’icelles.
« Aultres tant ont esté eestatiques et comme maniacques, que eux mesmes de deuil et regret se sont noyés, pendus, tués, impatiens de telle indignité.
« Aultres ont eu l’esprit plus heroïcque, et, à l’exemple des enfans de Jacob vengeans le rapt de Dina leur sœur, ont trouvé le ruffian, associé de son taulpetier, clandestinement parlementans et subornans leurs filles . les ont sus l’instant mis en pièces et occis felonnement, leurs corps après jettans es loups et corbeaux parmy les champs. Auquel acte tant viril et chevaleureux ont les symmistes taulpetiers fremy et lamenté misérablement : ont formé complainctes horribles, et en toute importunité requis et imploré le bras séculier et justice politicque, instans fierement et contendens estre de tels cas faicte exemplaire punition. Mais, ne en équité naturelle, ne eu droit des gens, ne en loy impériale quelconques, n’a esté trouvé rubricque, paragraphe, poinct, ne filtre par lequel fust peine ou torture à tel faict intorminée, raison obsistanté, nature répugnante. Car homme vertueux au
2Qk
