LIVRE 111, CHAPITRE XLIX

monde n’est qui naturellement et par raison plus ne soit en son sens pejrlurbé, oyanlles nouvelles du rapt, dillaine, et déshonneur de sa fille, que de sa mort. Ores est qu’un chascun, trouvant le meurtrier sus le faict d’homicide’ en la personne de sa fille, iniquement et de guet apens, le peut par raison, le doibt par nature occire sus l’instant, et n’en sera par justice appréhendé.

« Merveilles donc n’est si, trouvant le ruffian, à la promotion du taulpetier sa fille subornant, et hors sa maison ravissant, quoy qu’elle en fust consentente, les peut, les doibt à mort ignominieuse mettre, et leurs corps jetter en direption des bestes brutes, comme indig' es de recevoir le doux, le désiré, le dernier embrassement de l’aime et grande mere la Terre, lequel nous appelons sépulture.

« Filz très cher, après mon deces, gardez que telles loix ne soient en cestuy royaume receues : tant que seray en ce corps spirant et vivant, je y donneray ordre très bon, avec l’aide de mon Dieu. Puis donc que de vostre mariage sus moy vous déportez, j’en suis d’opinion. Je ypourvoiray. Apreslez vous au voyage de Panurge. Prenez avec vous Epistemon, frere Jean, et aultres que choisirez.

« De mes trésors faictes à vostre plein arbitre. Tout ce que ferez ne pourra ne me plaire. En mon arsenaede Thalasse prenez équipage tel que vouldrez; telzpilotz, nauchiers, truschemens que voudrez, et, à vent oportun, faictes voile, au nom et protection du Dieu servateur. Pendant vostre absence, je leray les apprestz et d’une femme vostre, et d’un festin, que je veulx à vos nopces faire celcbre si onques en fut. »