LIVRE Iir, CHAPITRE LI

les oreilles, lue toute espece de vermine qui y seroit.née par putrefactioD, et tout aultre animal qui dedans seroit entré. Si d’iceluy jus vous mettez dedans un seilleau d’eau, soudain vous verrez l’eau prinse, comme si fussent caillebotes, tant est grande sa vertu. Et est l’eau ainsi caillée remede présent aux clievaulx coliqueux, et qui tirent des flancs. La racine d’icelle, cuicte en eau, remollit les nerfs retirés, les joinctures contracles, les podagres quirrhotiques, et les gouttes nouées. Si promptement voulez guérir ime bruslure, soit d’eau, soit de feu, appliquez y du Pantagruelion crud, c’est à dire tel qu’il naist de terre, sans aultre appareil ne composition. Et ayez esgard de le changer ainsi que le verrez desscicliant sus le mal.

Sans elle, seroient les cuisines infâmes, les tables détestables, quoy que couvertes fussent de toutes viandes exquises; les lictz sans delices, quoy que y fust en abondance or, argent, electre, yvoire et porphjTe. Sans elle, ne porteroient les meusniers bled au moulin, n’en rapporteroient farine. Sans elle, comment seroient portés les plaidoyers des advocats à l’auditoire? Comment seroit sans elle porté le piastre à l’astelier? Sans elle, comment seroit tirée l’eau du puitz? Sans elle, que feraient les tabellions, les copistes, les secrétaires et escrivains? Ne pcriroient les pantarques et papiers rentiers? Ne périrait le noble art d'imprimerie? De quoy feroit on châssis? Comment sonneroit on les cloches? D’elle sont les Isiacques ornés, les pastopbores revestuz, toute humaine nature couverte en première position. Toutes les arbres lanificques de Serres, les gossampines de Tyle en la mer Persicque, les cynes des Arabes, les vignes de Malte, ne vestissent tant de personnes que fait ceste herbe seulelte. Couvre les armées contre le froid et la pluye, plus certes commodément que jadis ne faisoient les peaulx. Couvre les théâtres et amphithéâtres contre la chaleur, ceinct les bois et taillis au plaisir des chasseurs, descend en eau tant douce que marine, au profit des peschenrs. Par elle sont bottes, bottines, botasses, houzeaulx, brodequins, souliers, escarpins, pantoufles, savates, mises en forme et usaige. Par elle sont les arcs tenduz. les arbalestes bandées, les fondes faictes. Et, comme si fust l’herbe sacrée, verbenicque et reverée des Mânes et Lemures, les corps humains mors sans elle ne sont inhumés.

Je diray plus. Icelle herbe moyennanle, les substances invisibles visiblement sont arrestées, prinses, detenues et comme en prison mises. A leur prinse et arrest, sont les grosses et pesantes moles tournées- agilement à insigne profit de la vie humaine. Et m’esbahys comment l’invention de tel usaige a esté par tant de siècles celé aux antiques philosophes, veu l’utilité impreciable qui en provient; veu le labeur intolérable que sans elle ilz

Digitizod by Coogic

supporloieiR en leurs pistrines. Icelle moyennant, par la rétention des tlotz aérés, sont les grosses orcades, les amples thalameges, les fors gallions, les naufz chiliandres et mjTiandres de leurs stations enlevées, et poussées à l'arbitre de leurs gouverneurs. Icelle moyennant, sont les nations, que nature semblait tenir absconses, imperméables et incognues, à nous venues, nous à elles : chose que ne feraient les oiseaux, quelque legiereté de pennaige qu'ilz ayent, et quelque liberté de nager en l’air que leur soit baillée par nature. Taprobana a veu Lappia; Java a veu les mous Hiphées; Pliebol voyra Theleme; les Islandoys et Engronelands boyront Euphrates. Par elle Boréas a veu le manoir deiAuster ; Eurus a visité Zephyre.

De mode que les Intelligences celestes, les dieux, tant marins que terrestres, en ont esté tous effrayés, voyans par l’usage de cestuy benedict Pantagruelion, les peuples Arctiques, en plein aspect des Antarctiques, franchir la mer .Atlanticque, passer les deux tropicques, volter sous la zone torride, mesurer tout le zodiacque, s’esbattre sous l’equinoctial, avoir l’un et l’autre pôle en veue à fleur de leur horizon. Les dieux olympicques ont en pareil effroy dict : Pantagruel nous a mis en pensement nouveau et tedieux, plus qu’onques ne firent les Aloïdes, par l’usage et vertu de son herbe. Il sera de brief marié. De sa femme aura enfans. A ceste destinée ne pouvons nous contrevenir ; car elle est passée par les mains et fnseaulx des sœurs fatales, filles de Nécessité. Par ses enfans (peut estre) sera inventée herbe de semblable energie, moyennant laquelle pourront les humains visiter les sources des gresles, les bondes des pluyes et l’officine des fouldrcs. Pourront envahir les régions de la lune, entrer le territoire des signes celestes, et là prendre logis, les uns à l’Aigle d’or, les aultres au Mouton, les aultres à la Couronne, les aultres à la Herpe, les aultres au Lion d’argent ; s’asseoir à table avec nous, et nos déesses prendre à • femmes, qui sont les seuiz moyens d’estres déifiés. En fin ont mis le remede d'y obvier en deliberation et au conseil