LIVRE IV

tw

Si, par ces termes, entendez les calomniateurs de mes escrits, phis aptement les pourrez vous nommer diables : car, en grec, calumnie est dicte diabole. Voyez combien détestable est devant Dieu et les anges ce vice dict calumnie (c’est quand on impugne le bien faict, quand on mesdit des choses bonnes) que, par iceluy, non par aultre, quoy que plusieurs smnbleroient plus énormes, sont les diables d'enfer nommes et appelles. Ceux cy ae sont, proprement parlant, diables d’enfer, ilz en sont appariteurs et ministres. Je les nomme diables noirs, blancs, diables prives, diables domesticques. Et ce que ont faict envers mes livres, ilz feront, si on les laisse faire, envers tous aultres. Mais ce n’est de leur invention. Je le dis, afin que tant désormais ne se glorifient au surnom du vieux Caton le censorin.

Avez vous jamais entendu que signifie cracher au bassin? Jadis les prédécesseurs de ces diables privés, architectes de volupté, everseurs d'honnesteté, comme un Philoxenus, un Gnatbo, et aultres de pareille farine, quand, par les cabaretz et tavernes esquelz beux tenoient ordinairement leurs escoles, voyoient les hosles estre de quelques bonnes viandes et morceaux friandz serviz, ilz crachoient villainement dedans les platz, afin que les hostes, abhorrons leurs infâmes crachatz et morveaux, désistassent manger des viandes apposées, et tout demourast à ces vilains cracheurs «t morveux. Presque pareille, non toutesfois tant abominable histoire nous conte l’on du médecin d’eau doulce, neveu de l’advocat, feu Amer, lequel disoit l’aisle du chapon gras estre mauvaise, et le cropion redoutable, le col assez bon, pourveu que la peau fust ostée, afin que les malades n’en mangeassent, tout fust réservé pour sa bouche.

Ainsi ont faict ces nouveaux diables engipponés. Voyans tout ce monde «n fervent appétit de voir et lire n)es escrits, par les livres précédons, ont craebé dedans le bassin, c’est à dire les ont tous par leur maniment conebiés, desenés et calomniés, en ceste intention que personne ne les eust, personne ne les leust, fors leurs poiltronités. Ce que j’ay veu de mes propres yeulx, ce n’estoit pas des oreilles, voire jusques à les conserver religieusement entre leurs besoi^nes de nuyt, et en user comme de bréviaire à usage quotidian. Dz les ont tolluz es malades, es goutteux, es iofortunés, pour lesquels en leur mal esjouir les avois faicts et composés. Si je prenais en cure tous ceux qui tombent en meshaing et maladie, ja b^>ng ne seroit mettre tek livres en lumière et impression.

Hippocrates a faict un livre exprès, lequel il a intitulé ie l’Estat d% for faict médecin (Galien l’a illustré de doctes commentaires), auquel il commande rien n’estre au médecin (voire jusqu’à particulariser let ongles) qui puisse offenser le patient : tout ce qu’est au médecin, gestes, visage, vestemeas, paroles, regarda, touchement, complaire et delccter le

ancien prologue

malade. Ainsi faire en mon endroict, et à mon lourdoys, Je me peine et efforce envers ceux que je prends en cure. Ainsi font mes compaignons de leurcosté; dont, par adventure, soirunes dicts parabolains au long faucile et au grand code, par l’opinion de deux gringuenaudiers aussi follement interprétée comme fadement inventée.

Plus il va; su un passaige du sixiesnie des Épidémies dudict pere Hippocrates, nous suons disputons à sçavoir, non si la face du médecin chagrin, tetricque, reuharbatif, malplaisant, malcontent, contriste le malade, et du médecin la face joyeuse, sereine, plaisante, riante, ouverte, esjouyst le malade (cela est tout esprouvé et certain) ; mais si telles contristations et csjouyssemens proviennent par appréhension du malade contemplant ces qua lités, ou par transfusion des esprits sereins ou tenebreux, joyeux ou tristes, du médecin au malade, comme est l’advis des Platonicques et Averroïstes. Puis donc que possible n’est que de tous malades sois appcllé, que tous midades je prenne en cure, quelle envie est-c:e tollir es langoureux et malades le plaisir et passetemps joyeux (sans offense de Dieu, du roy, ne d’aultre) qullz prennent, oyans en mon absence la lecture de ces livres joyeux?

Or puis que, par vostre adjudication et decret, ces mesdisans et calomniateurs sont saisis et emparés des vieux quartiers de lune, je leur pardonne ; il n’y aura pas à rire pour tous désormais, quand voirrons ces folz lunaticques, aucuns ladres, aultres boulgres, aultres ladres et boulgres ensemble, courir les champs, rompre les banez, grincer les dents, fendre carreaux, battre pavés, soy pendre, soy noyer, soy précipiter, et à bride avallée courir à tous les diables, selon l’energie, faculté et vertus des quartiers qu’ilz auront en leurs caboches, croissans, initians, ampbicyrces, brisans et desinens. Seulement, envers leurs malignités et impostures, useray de l’offre que fit Timon le misanthrope à ses ingratz Athéniens.

Timon, fasebé de l’ingratitude du peuple athénien en son endroict, un jour entra au conseil public delà ville, requérant luy estre donnée audience, pour certain négoce concernant le bien public. A sa requestc fut silence faicte, en expectation d’entendre choses d’importance veu qu’il estoit au conseil venu, qui tant d’années auparavant s’estoit absenté de toutes compaignies, et vivoit en son privé. Adonc leur dist : « Hors mon jardin secret, dessous le mur, est un ample, beau et insigne figuier, auquel vous aultres messieurs les Athéniens désespérés, hommes» femmes, 'jouvenceaux et pucelles, avez de coustume à l’cscart vous pendre et estrangler. 4e vous advertyque, pour accommoder ma maison, j’ay délibéré huitaine démolir iceluy figuier : pourtant, quiconque de vous aultres, et de toute la ville aura à se pendre, s’en depesche promptement. Le terme susdict expiré, n’auront lieu tant apte, ne arbre tant commode. »

LIVHE 1\

A son exemple, je dénoncé à ces calumniateurs diabolicques que tous aycnt à se pendre dedans le dernier chanteau de ccste lune ; je les fourniray de licolz. Lieu pour se pendre je leur assigne entre Midy et Faverollcs. La lune renouvellée, ilz n’y seront receuzà si bon marché, et seront contrainclz eux mesmes à leurs dépens acheter cordeaux, et choisir arbre pour pendaige, comme fit la seignore Leontium, calumniatrice du tant docte et cloquent Théophraste.