LIVRE IV
avez eu bonne vinée, à ce que l'on m'a dict. Je n'en serois en piece marry. Vous avez remede trouvé infinable contre toutes alterations. C'est vertueusement opéré. Vous, vos femmes, enfans, parens et familles, estes en santé desirée. Cela va bien, cela est bon, cela me plaist. Dieu, le bon Dieu en soit éternellement loué, et, si telle est sa sacre volunté, y soyez longuement maintenuz.
Quant est de moy, par sa saincte bénignité, j’en suis Ih, et me recommande. Je suis, moyennant un peu de Pantagruélisme (vous entendez que c’est certaines gay été d’esprit conficte en mespris des choses fortuites), sain etdegourt; prest à boire, si voulez. Me demandez vous pourquoy, gens de bien? Response irréfragable : Tel est le vouloir du très bon, très grand Dieu, onquel je acquiesce, auquel je obtempère, duquel je révéré la sacrosaincte parole de bonnes nouvelles, c’est l’Evangile, onquel est dict, Lv,c, IV, en horrible sarcasme et sanglante dérision, au médecin négligent de sa propre santé : « Médecin, d, gueriz toy mesmes. »
Cl. Galen, non pour telle reverence, en santé soy maintenoit, quoy que quelque sentiment il eust des sacres Bibles et cust cogneu et fréquenté les saincts christians de son temps, comme appert lib. II, de Usu partitm; lib. II, de Differentiis pulsuum, cap. ni, et ibidem, lib. III, cap. Il, et lib. de rerum A/fectibus (s’il est de Galen) ; mais par craincte de tomber en ceste vulgaire et satyricque moquerie :
’I«j5Ôî £XX(üv, aÙTÔî eXxuot Ppuwv.
Médecin e^t des aultres en elTect;
Toutesfois est d'uIceres tout infect.
De mode quen grande braveté il se vante, et ne veult estre médecin estimé si, depuis l’an de son aage vingt et huisliesmc jusque en sa haulte vieillesse, il n’a vescu en santé entière, exceptez quelques fiebvres ephemeres de peu de durée : combien que, de son naturel, il ne fust des plus sains, et eust l’estomac evidentement dyscrasié. n Car (dit il lib, V, de Sanit. tuenda) difficilement sera creu le médecin avoir soing de la santé d’aultruy, qui de la sienne propre est négligent. »
Encores plus bravement se vantoit Asclepiades médecin avoir avec Fortlne convenu en ceste paction, que médecin réputé ne fust si malade avoit esté depuis le temps qu’il commença practiquer en l’art, jusques à sa dernière vieillesse. A laquelle entier il parvint, et vigoureux en tous . ses membres, et de fortune triumphant. Finalement, sans maladie aucune precedente, fit de vie à mort eschange, tombant par male garde du hault de certains degrés mal emmortaisés et pournz.
