PROLOGUE DE L’AUTEUR
Mercure regarde par la trappe des ciaulx, par laquelle ce que l’on dit ça bas en terre ilz escoutcr.t; et semble proprement à un escoutillon de navire ( Icaromcnippe disoit qu’elle sémble à la gueulle d'un puitz); et voit que c'est Couillatris qui demande sa coingnée perdue, et en fait le rapport au conseil. « Vrayement, dist Jupiter, nous en sommes bien. Nous à ceste heure n’avons autre faciende que rendre coingnées perdues? Si faulfil luy rendre. Cela est escrit es Destins, entendez vous? aussi bien comme si elle valust la duché de Milan. A la vérité, sa coingnée luy est en tel pris et estimation que seroità un roy son royaume. Ça, ça, que cette coingnée soit rendue. Qu’il n’en soit plus parlé. Resoulvons le different du clergé et delà taulpeterie de Landerousse. Où en estions nous? »
Priapus restait debout au coing de la cheminée. Il, entendant le rapport de Mercure, dist en toute courtoisie et joviale honnesteté . « Roy Jupiter, on temps que, par vostre ordonnance et particulier bénéfice, j’estois gardian des jardins en terre, je notay que ceste diction, coingnée, est équivoque à plusieurs choses. Elle .signifie un certain instrument par le service duquel est fendu et coupé bois. Signifie aussi (au moins jadis signifioit) la femelle bien à poinct et souvent gimbretiletolletée. Et vis que tout bon compaignon appelloit sa garse fille dejoye ; Ma coingnée. Car, avec cestuy ferrement (cela disoit exhibant son coingnoir dodrental) ilz leur coingnent si fierement et d’audace leurs emmanchouoirs qu’elles restent exemptes d’une peur epidemiale entre le sexe féminin, c’est que du bas ventre ilz leur tombassent sur les talons, par default de telles agraphes. Et me souvient (car j’ay mentule, voire dis je mémoire bien belle, et grande assez pour emplir un pot beurrier) avoir un jour du tubilustre, es fériés de ce bon Vulcan en may, ouy jadis en un beau parterre Josquin des Prez, Olkegan, Hobrethz, Agricola, Brumel, Camelin, Vigoris, de la Page, Bruyer, Prions, Seguin, de la Rue, Midy, Moulu, Mouton, Cuascoigne, Loyset, Compere, Penet, Fevin, Rouzée, Richardfort, Rousseau, Consilion, Constantio Festi, Jacquet Bercan, chantans mélodieusement :
Grand Tibault, se voulant coucher Avecques sa femme nouvelle.
S’en vint tout bellement cacher Un gros maillet en la ruelle.
< O ! mon doux amy (ce dist elle).
Quel maillet vous voy je empoingner?
— C’est (di*t il) pour mieulx vous coingnor.
— Maillet (dist elle) il n’y faut nul :
Quand gros Jean ma vient besoingner,
Il ne me coingne que du cul. »
« Neuf olympiades, et Un an intercalare a^s (6 belle mentule, voire
