LIVRE IV
dis je mémoire. Je solecise souvent en la symlolization et colligance de ces deux molz), je oüy Adrian Villart, Gombert, Janequin, Arcadelt, Claudia, Cerlon, Manchicourt, Auxerre, Villcrs, Sandrin, Solder, llesdin- Morales, Passereau, Maille, Maillart, Jacotin, Heurtcur, Verdelet, Carpenlras, rilerilicr, Cadéac, Doublet, Vermont, Bouteiller, Lupi, Pagnier, Millet, du Molliii, Alaire, Marault, Morpain, Gendre, et autres joyeux musiciens en un jardin secret, sous belle fcuillade, autour d’un rampart de flacons, jambons, pastés et diverses cailles coyphées, mignonnement cbantans :
S'il est ainsi que coingnée sans manche Mü sert de rien, ne houstil sans poingnée,
Afin que l’un dedans l’autre s’emmanche.
Prends que sois manche, et tu seras coingnée.
•Ores seroit à sçavoir quelle espece de coingnée demande ce criarl de Gouiliatris. »
A ces motz tous les venerables dieulx et déesses , s'eclaterent de rire, comme un microcosmè de mouches. Vulcan, avec sa jambe torle, en fit, pour l’amour de s’ amie, trois ou quatre beaux petitz saultz en plate forme. « Ça, ça, dist Jupiter à Mercure, descendez présentement là bas, et jetiez es pieds de Gouiliatris trois coingnées : la sienne, une autre d’or et une tierce d’ aident massives, toutes d’un calibre. Luy ayant baillé l’option de choisir, s’il prend la sienne et s’en contente, donnez luy les deux autres. S’il en prend autre que la sienne, coupez luy la teste avec la sienne propre. Et désormais ainsi faictes à ces perdeurs de coingnées. » Ces paroles achevées, Jupiter, contournant la teste comme un singe qui avalle pillules, fit une morgue tant cspouvantable que tout le grand Olympe trembla.
, Mercure avec son chapeau poinctu, sa capeline, talonnieres et caducée, se jette par la trappe des cieulx, fend le vuide de l’air, descend legierementen terre, et jette es pieds de Gouiliatris les trois coingnées, puis luy dist: « Tu as assez crié pour boire. Tes prières sont exaulsées de Jupiter. Regarde laquelle de ces trois est ta coingnée, et l’emporte. » Gouiliatris soubleve la coingnée d'or, il la regarde et la trouve bien poisante, puis dit à Mercure : « M’armes, ceste cy n’est mie la mienne. Je n’en veulx grain, d Autant fait de la coingnée d’argent, et dit : « Non est ceste cy. Je la vous quitte. » Puis prend en main la coingnée de bois : il regarde au bout du manche, en iceluy rccognoit sa marque, et tressaillant tout de Joye, comme un renard qui rencontre poulies esguarées, et soubriant du bout tfu nez, dit : « Merdigues, ceste cy estoit mienne. Si me la voulez laisser, je vous sacrifiniy un bon et grand pot de laict, tout fin couvert de
