COUUENT 6ARGANT0A FUT UNZE MOIS PORTÉ OU \’ENTRE DE SA MERE

Grandgousier cstoit bon raillard en son temps, aimant à boire net autant que homme qui pour lors fust au monde, et mangeoit voluntiers salé. A ceste fin, avoit ordinairement bonne munition de jambons de Magence et de Bayonne, force langues de bœuf fumées, abundance d’andouilles en la saison, et bœuf salé à la moustarde ; renfort de boutargues, provision de saulcisses, non de Bouloignc (car il craignoit ly boucon de Lombard), mais de Bigorre, de Lonquaulnay, de la Brene et de Rouargue. En son eage virile espousa Gai^amelle, fille du roy des Parpaillos, belle gouge et de bonne troigne. Et faisoient eux deux souvent ensemble la beste à deux dos, joyeusement se frottans leur lard, tant qu’elle engroissa d’un beau filz, et le porta jusques à Tunziesme mois.

Car autant, voire davantage, peuvent les femmes ventre porter, mesmement quand c’est quelque chef d’œuvre, et personnage qui doibve en son temps faire grandes prouesses. Comme dit Horaere que l'enfant, duquel Neptune engroissa la nymphe, nasquit l’an après revolu, ce fut le douziesme mois. Car (comme dit Aulus Gellius, lib. III) ce long temps convenoit à la majesté de Neptune, afin qu’en iceluy l’enfant fust formé à perfection. \ pareille raison Jupiter fit durer quarante huit heures la nuyt qu’il coucha avec Alcmene. Car en moins de temps n’eust U peu forger Hercules, qui nettoya le monde de monstres et tyrans.

Messieurs les anciens Pantagruelistes ont conformé ce que je dis, et ont declairé non seulement possible, mais aussi légitimé, l’enfant né de femme l’unziesme mois après la mort de son mary.

Hippocrates, lib. (U Alimento.

Pline, lib. Vil, cap. v.

Plaute, in CisteUaria.

Marcus Varro, en la satyre inscripte le Tettament, allegant l’autorité d’Aristoteles à ce propos.

Censorinus, lib. de Die natali.

Aristoteles, lib. VH, cap. ni et iv, de Natura animalium.

Gellius, lib. III, cap. xvi.

Servius, in Egl., exposant ce métré de Viigiie,

Matri longa decem, etc.

Et mille aultres fois : le nombre desquelz a esté par les légistes acreu, ff. de Suit, et legit. l. inteslato. § fin.

GARGANTUA

Et tu ayUheni. de ResHtut. et ea quæparit in undecimo nunse.

D'abundant en ont chaffourré leur robidilardique loy Callus, /f. de lib. et poslkum. et l. septimo, ff. de Stat. homin., et quekpies aultres que pour le présent dire n’ose.

Moyennant lesquelles lois, les femmes veuves peuvent franchement jouer du serrecropiere à tous enviz et toutes restes, deux mois apres Ictrespas de leurs maris. Je vous prie par grâce, vous aultres mes bons averlans, si d’icelles en trouvez que vaillent le desbraguetter, montez dessus et me les amenez. Car, si au troisiesme mois elles engroissent, leur fruict sera heritier du defunct. Et, la groisse cogneue, poussent hardiment oultre, et vc^ue la galée, puis que la panse est pleine !

Comme Julie, hile de l’empereur Octavian, ne s'abandonnoit à scs taboureurs sinon quand elle se sentoit grosse, à la forme que la navire ne reçoit son pilot que premièrement ne soit callafatée et chargée.

Et si personne les blasme de soy faire rataconniculer ainsi sus leur groisse, veu que les bestes sus leurs ventrées n’endurent jamais le masie masculant, elles respondront que ce sont bestes, mais elles sont femmes, bien entendantes les beaux et joyeux menus droits de superfétation, comme jadis respondit Populie, selon le rapport de Macrobe, hb. Il, Saturnal.

Si le diavol ne veuit qu’elles engroissent, il fauldra tortre le douzil, et bouche clouse.