CHAPITRE VII

CONTINDATION DD MARCHÉ ENTRE PANUR6B ET DINDENAULT

« Mon amy, respondit le marchant, nostre voisin, ce n'est viande que pour rois et princes. La chair en est tant délicate, tant savoureuse, ét tant friande que c’est basme. Je les ameine d’un pays onquel les pourceaux (Dieu soit avec nous) ne mangent que myrobalans. Les truyes en leur gesine (saulve l'honneur de toute la compaignic) ne sont nourries que de fleurs d’orangiers. — Mais, dist Panurge, vendez m’en un, et je vous le payeray en roy, foy de piéton. Combien? — Nostre amy, respondit le marchant, mon voisin, ce sont moutons extraietz de la propre race de celuy qui porta Phrixus et Relié par la mer dicte Hellesponte. — Cancre, dist Panurge, vous estes clericus tel adiscens. — Ita sont choux, respondit le marchant, vere ce sont pourreaux. Mais rr. rrr. rrrr. rrrr. Ro Robin rr. rrrr. rrrr. Vous n'entendez ce langaige.

a A propos. Par tous les champs esquelz ilz pissent, le bled y provient conune si Dieu y eust pissé. R n’y faut autre marne ne fumier. Plus y a. De leur urine les quintessentiaux tirent le meilleur salpêtre du monde. De leurs crottes (mais qu’il ne vous desplaise) les médecins de nos pays guérissent soixante et dixhuit especes de maladies. La moindre desquelles est le mal Sainct Eutrope de Xaintes, dont Dieu nous saulve et gard. Que pensez vous, nostre voisin, mon amy ? Aussi me coustent ilz bon.

— Couste et vaille, respondit Panurge. Seulement vendez m’en un, le payant bien. — Nostre amy, dist le marchant, mon voisin, considérez us peu les merveilles de. nature consistons en ces animaux que voyez, voiri en un membre que estimeriez inutile. Prenez moy ces cornes là, et les concassez un peu avec un pillon de fer, ou avec un landier, ce m’est tout un. Puis les enterrez en veue du soleil la part que vouldrez. et sou-