LIVRE IV, CHAPITRE VII

vent les arrosez. En peu de mois vous en voirez naistre les meilleurs asperçes du monde. Je n’en daignerois excepter ceux de Ravenne. Allez moy dire que les cornes de vous autres messieurs les coqus ayent vertu .telle, et propriété tant mirifique.

— Patience, respondit Panui^e. — Je ne sçay, dist le marchant, si vous estes clerc. J’ay veu prou de clercs, je dis grands clercs, coqus. Ouy dea. A propos, si vous estiez clerc, vous sçauriezque, es membres inferieurs de ces animaulx divins, ce sont les pieds, y a un os, c'est le talon, l'astragale, si vous voulez, duquel, non d'aultre animal du monde, fors de l'asne Indian et des dorcades de Libye, l’on jouoit antiquement au royal jeu des taies, auquel l'empereur Octavian Auguste un soir guaingna plus de 50,000 escuz. Vous aultres coqus n’avez garde d’en guaigner autant.

— Patience, respondit Panurge. Mais expédions. — Et quand, dist le marchant, vous auray je, nostre amy, mon voisin, dignement loué les membres internes ; les espaules, les esclanges, les gigotz, le hault cousté, la poictrine, le foye, la râtelle, les trippes, la guogue, la vessie, dont on joue à la balle ; les coustelettes, dont on fait en Pygmion les beaux petits arcs pour tirer des noyaux de cerises contre les grues ; la teste, dont, avec un peu de soulphre, on fait une mirifique décoction pour faire viander les chiens constippés du ventre...

— Bren, bren, dist le patron da la nauf au marchant, c’est trop icy barguigné. Vends luy si tu veux ; si tu ne veux, ne l’amuse plus. — Je le veulx, respondist le marchant, pour l’amour de vous. Mais il en payera trois livres tournois de la piece en choisissant. — C'est beaucoup, dist Panui^e. En nos pays j’en aurois bien cinq, voire six pour telle somme de deniers. Advisez que ne soit trop. Vous n’estes le premier de ma cognoissance qui, trop tost voulant riche devenir et parvenir, est à l’envers tombé en pauvreté, voire quelquefois s’est rompu le col. — Tes fortes fiebvres quartaines, dist le marchant, lourdault sot que tu es! Par le digne veu de Charrous, le moindre de ces moutons vault quatre fois plus que le meilleur de ceux que jadis les Coraxiens en Tuditanie, contrée d’Espaigne, vendaient un talent d'or la piece. Et que penses tu> A sot à 1a grande paye, que valait un talent d’or ?

— Benoist monsieur, dist Panurge, vous vous eschauffez en votre harnois, à ce que je voy et cognoy. Bien tenez, voyez là vostre aigent. » Panurge, ayant payé le marchant, choisit de tout le troupeau un beau et grand mouton, et l’emportoit criant etbellant, oyans tous les aultres et ensemblement bellans et regardans quelle part on menait leur compaignon . Ce pendant le marchant disoit à ses moutonniers : a O qu’il a bien sceu choisir, le challant ! Il s’y entend, le paillard ! Vrayement, le bon vrayement, je le reser-

vois pour le seigneur de Cancalc, conune bien cognoissant son naturel. Car, de sa nature, il est tout joyeux et esbaudy quand il tient une espaule de mouton en main bien séante et advenante, cemme une raquette gauschiere, et, avec un Cousteau bien tranchant, Dieu sait comment il s’eu escrime. »