LIVRE I, CHAPITRE V

qu'ilz les bauffreroient sans rien y perdre. A ce faire convièrent tous les citadins de Sainnais, de Suillé, de la Roche Clermaud, de Vaugaudray, sans laisser arriéré le Coudray, Montpcnsier, le Gué de Vede, et aultres voisins, tous bons beuveurs, bons compaignons et beaux joueurs de quille la. Le bon .homme Grandgousier y prenoit plaisir bien grand, et commândoit que tout allast par escuelies. Disoit toutesfoys à sa femme qu'elle enmangeast le moins, veu qu’elle approchoit de son terme, et que ceste tripaille n’estoit viande moult louable, e Celluy, disoit il, a grande envie* de mascher merde, qui d'icelle le sac mange. » Non obstant ces remons~ trances, elle en mangea se«e muiz, deux bussars et six tupins. O belle matière fecale qui devoit boursoufller en elle !

Après disner, tous allèrent pelle melle à la Saulsaie, et là, sus l'herbe drue, dancerent au son des joyeux flageollets et doulces cornemuses, tant baudement que c’estoit passetemps celeste les voir ainsi soy rigouller.