LIVRE IV, CHAPITRE XVlII
celuv jour et aultres subsequens en long ordre. Et, ayant courtoisement salué les béatz peres, et recommandé le salut de sou ame à leurs devotes prières et menuz sulTraiges, fit jetter en leurs naufs soixante et dixhuit douzaines de jambons, nombre de caviatz, dizaines de cervelatz, centaines de boutargues, et deux mille beaux angelotz pour les âmes des trespassés.
Pantagruel restoit tout pensif et melanclielicque. Frere Jean l'apperceut, et demandait dont luy venait telle fàscherie non accoustumée, quand le pilot, considérant les voltigemens du peneau sus la pouppe, et prévoyant un tyrannicque grain et forlunal nouveau, commanda tous estre à l'iierte, tant naucliiers, fadrins et mousses que nous aultres voyagiers ; fit metti'e voiles bas, mejane, contremejane, triou, maistralle, epagon, civadiere; fit caller les boulingues, trinquet de prore et trinquet de gabie, descendre le grand artemoii, et de toutes les antemnes ne rester que les grizelles et coustieres.
Soubdaiii la mer commença s'enfler et tumultuer du bas abysme ; les fortes vagues battre les flancs de nos vaisseaulx ; le maistral, accompaigiié d’un cole effrenç, de noires gruppades, de terribles sions, de mortelles bourrasques, siffler à travers nos antemnes. Le ciel tonner du liault, fouldroyer, esclairer, pleuvoir, gresler ; l'air perdre sa transparence, devenir opacque, tenebreux et obscurcy, si que aultre lumière ne nous apparoissoit que des fouldres, esclaires et infractions des flambantes nuées ; les categides, thielles, lelapes et presteres enflamber tout autour de nous par les psoluentes, aiges, elicies et aultres éjaculations etherées : nos aspects tous estre dissipés et perturbés; les horrifiques typhones suspendre les montueuses vagues du courant Croyez que ce nous sembloit estre l’antique chaos, auquel estoient feu, air, mer, terre, tous leselemens en réfractaire confusion.
Panui^e, ayant du contenu en son estomac bien repeu les poissons sca> tophages, restoit acropy sus le tillac, tout affligé, tout meshaigné, et à demy mort; invoqua tous les benoistz saincts et sainctes à son aide, protesta de soy confesser en temps et lieu, puis s’escria en grand elfroy, disant ; «i Majordome, hau, mon amy, mon pere, mon oncle, produisez un peu de salé : nous ne boirons tantost que trop, à ce que je voy. A petit manger bien boire, sera désormais ma devise. Pleust à Dieu, et à la benoiste, digne et sacrée Vierge, que maintenant, je dis tout à çeste heure, je fusse en terre ferme bien à mon aise !
« O que trois et quatre fois heureux sont ceux qui plantent choux ! O Parces, que ne me fillastes vous pour planteur de choux ! O que petit est le nombre de ceux à qui Jupiter a telle faveur porté qu'il les a destinés à planter choux ! Car ilz ont toujours en terre un pied, l’aultre n'en est pas
loing. Dispute de félicité et bien souverain qui vouldra ; mais quiconque plante choux est présentement par mon decret declairé bienheureux, à trop meilleure raison que Pyrrhon, estant en pareil dangier que nous sommes» et voyant un pourceau prés le rivage qui mangeoit de l’orge espandu, le declaira bien heureux en deux qualités, sçavoir est qu'il avoit orge à foison, et d’abondant estoit en terre.
« Ha ! pour manoir déifique et seigneurial il n’est que le plancher des vaches. Geste vague nous emportera. Dieu servateur l O mes amis ! un peu de vinaigre. Jetressue de grand ahan. Zalas, les veles sont rompues, le prodenou est en pièces, les cosses esclattent, l’arbre du hault de la guatte plonge en mer, la carine est au soleil, nos gumenes sont presque tous roiiptz. Zalas, zalas, où sont nos boulingues? Tout est frelore bigotli. Nostre trinquet est à vau l’eau. Zalas, à qui appartiendra ce bris? Xmis, prestez ici darriere une de ces rambades. Enfans, vostre landrivel est toipbé. Helas ! n’abandonnez l’orgeau, ne aussi le tirades. Je oy l’agueuillot frémir. Est il cassé? Pour Dieu, saulvons la bràgue ; du fernel ne vous souciez.- Bebebe bous, bous, bous. Voyez à la calamitre de vostre boussole, de grâce, maistre Astrophile, dond nous vient ce forlunal? Par ma foy, j’ai belle peur. Bou bou bou, bous, bous. C’est faict de moy. Je me concilie de male raige de peur. Bou, bou, bou, bou ! Otto to to to to ti ! Bou bou bou, ou ou ou bou bou bous bous ! Je naye, je naye, je naye, je meurs. Boimes gens, je naye. »
