OCELLES CO.NTE.NANCES EURENT PA.NCRGE ET FRERE JEAN DURANT LA TEMPESTE

Pantagruel, préalablement avoir imploré l’aide du grand Dieu servateur, et faicte oraison publique en fervente dévotion, par l'advis du pilot tenoit l’arbre fort et ferme ; frere Jean s'estoit mis en pourpoinct pour secourir les nauchiers. Aussi estoient Epistemon, Ponocrates, et les aultres. Panurge restoit de cul sus le tillac, pleurant et lamentant. Frere Jean l’apperceut, passant sus la coursie, et luy dist : « Par Dieu, Panurge le veau, Panurge le pleurart, Panurge le criart, tu ferois beaucoup mieulx nous aidant icy que là pleurant comme une vache, assis sus tes couillons comme un magot. — Be be be bous, bous, bous, respondit Panurge, frere Jean mon amy, mon bon pere, je naye, je naye, mon amy, je naye. C’est faict de moy, mon pere spirituel, mon amy, c’en est faict. Vostre bragmart ne m’en .sauroit saulver. Zalas, zalas ! nous sommes au dessus de Elu, hors toute la gamme. Be be be bous bous. Zalas ! à ceste heure sommes nous au dessous de Gamma ut. Je naye. Ha mon pere, mon oncle, mon tout.