CHAPITRE XX

COMMENT LES NACCIDER3 ABANDONNENT LES NAVIBES AD FOBT DE LA TEHPEST8

0 Ha, dist Panurge, vous pechez, frere Jean, mon amy ancien. Ancien, dis je, car de présent je suis nul, vous estes nul. Il me fasche le vous dire. Car je croy que ainsi jurer face grand bien à la râtelle ; comme, à un fendeur de bois, fait grand soulagement celuy qui à chascun coup prés de Iny crie : Han ! à haulte voix, et comme un joueur de quilles est mirificquement soulaigé quand il n’ajeité la boulle droit, si quelque homme d’espril prés de luy panche et contourne la teste et le corps à demy, du cousté auquel la boulle aultrement bien jettée eust faict rencontre de quilles. Toutesfois vous pechez, mon amy doulx. Mais, si présentement nous mangeons quelque espece de cabirotades, serions nous en sceureté de cestuy oraige? J’ay leu que, sus mer, en temps de tempeste, jamais n’avoient peur, tousjours estoient en sceureté les ministres des dieux Cabires, tant célébrés par Orphée, Apollonius, Pherecydes, Strabo, Pausanias, Hérodote.

— Il radote, dist frere Jean, le pauvre diable. A mille et millions et centaines de millions de diables soit le coqu cornard au diable ! Aide nous icy, hau, tigre ! Viendra il? Icy à orche. Teste Dieu pleine de reliques, quelle patenostre de cinge est ce que ai marmottes là entre les dents ? Ce diable de fol marin est cause de la tempeste, et il seul ne aide à la chorme. Par Dieu, si je vais là, je vous chastieray en diable tempestatif. Icy. fadrin, mon mignon, tiens bien, que je y face un nou gregeois. 0 le gentil mousse ! Pleust à Dieu que tu fusses abbé de Talemouze, et celuy qui de présent l’est fust guardian de Croullay ! Ponocrates, mon frere, vous blesserez là. Epistemon, gardez vous de la jalousie, je y ay veu tomber un coup de fouldre. — Inse ! — C’est bien dict. Inse, inse, inse. Vieigne esquif! Inse. Vertus Dieu, qu’est cela? Le cap est en pièces. Tonnez, diables, petez, rottez, fiantez. Bren pour la vague ! Elle a, par la vertus Dieu,