LIVRE IV, CHAPITRE XIX

L’eau est entrée en mes souliers par le collet. Bous, bous, bous, paiscb, bu, hu, hu, ha, ha, ha, ha, ha, je naye. Zalas, zalas, hu, hu, hu, bu, hu, hu, hu. Bcbe bous, bous, bobous, ho, ho, ho, ho, ho. Zalas, zalas. Aceste heure fais bien à poinct l'arbre forchu, les pieds à mont, la teste en bas. Pleust à Dieu que présentement je fusse dedans la orque des bons et béatz peres conciiipetes, Icsquclz ce matin nous rencontrasmes, tant devotz, tant gras, tant joyeux, tant douilletz, et de bonne grâce. Holos, holos, holos, zalas, zalas, ceste vague de tous les diables {mea culpa, Deus),\<i dis ceste vague de Dieu enfondrera nostro nauf. Zalas 1 frcre Jean, mon pere, mon amy, confession! Me voyez cy à genoulx. ConfiUor, vostre saincte bénédiction.

— Viens, pendu au diable, dist frere Jean, i-; nous aider, de par trente légions de diables, viens ; viendra il ? — Ne jurons poinct, dist Panurçe, mon pere, mon amy, pour «este heure. Demain, tant que vouldrez. Holos, holo.s. Zalas ! nostre nauf prend eau, je naye, zalas, zalas ! Be be be be be bous, bous, bous, bous. Or sommes nous au fond. Zalas, zalas 1 Je donne dixhuit cens mille escuz de intradç à qui me mettra en terre, tout foireux et tout breneux comme je suis, si onques homme fut en ma patrie de bien. Confiteor. Zalas ! un petit mot de testament, ou codicille pour le moins.

— Mille diables, dist frcre Jean, saultent on corps de ce coqu. Vertus Dieu, parles tu de testament à ceste heure que sommes en dangier, et qu’il nous convient evertuer ou jamais plus? Viendras tu, ho diable? Comité, mon mignon, o le gentil algousan ! deçà ! Gymnaste, icy sus l’estanterol. Nous sommes par la vertus Dieu troussés à ce coup. Voilà nostre phanal extainct. Cecy s’en va à tous les millions de diables. — Zalas, zalas, dist Panurge, zalas ! Bon, bou, bou, bon, bous. Zalas, zalas ! estoit ce icy que de périr nous estoit prédestiné ? Holos, bonnes gens, je naye, je meurs. Consummatum est. C’est faict de moy.

— Magna, gna, gna, dist frere Jean. Fy qu’il est laid, le pleurart de merde. Mousse, ho, de par tous les diables, garde l’escantoula. T’es tu blessé? Vertiis Dieu, attache à l’un des bitous. Icy, de là, de par le diable, hay 1 Ainsi, mon enfant.

— Ha frcre Jean, dist Panurge, mon pere spirituel, mon amy, ne jurons poinct. Vous pechez. Zalas, zalas ! Be, be, be, bous, bous, bous, je naye, je meurs, mes amis. Je pardonne à tout le monde. Adieu, in manus. Bous, bous, bouououous. Sainct Michel d’Aure, sainct Nicolas, à ceste fois et jamais plus! Je vous fais icy bon veu et à Nostre Seigneur que, si à ce coup m’estes aidans, j’entends que me mettez en terre hors ce dangier icy, je vous cdifieray une belle grande petite chapelle ou deux

Entre Quande et Monssoreau,

Et o'jr paiatra vache ne veau.

PANTAGKUEL 393

« Zalas, zalas ! il tn'ea est entré en la bouche plus de dixhuit seilleaux ou deux. Bous, bous, bous, bous. Qu’elle est amere et salée!

— Par la vertus, dist frere Jean, du sang, de la chair, du ventre, de la teste, si encores je te oy pioller, coqu au diable, je te gualleray en loup marin ; vertus Dieu, que ne le jettons nous au fond.de la mer ? Hcspaillier, ho gentil compaignon, ainsi mon amy. Tenez bien lassus. Vrayemcnt voicy bien esclairé, et bien tonné. Je croy que tous les diables sont deschainés aujourd’buy ou que Proserpine est en travail d’enfant. Tous les diables dansent aux sonnettes. »