MVRE IV, CHAPITRE XXII

Alors fut ouye une piteuse exclamation de Pantagruel, disan* à haulte voix : « Seigneur Dieu, saulve nous, nous périssons. Non toutesfois advienne selon nos affections, mais la saincte volunté soit faictc. — Dieu, dist Panurçe, et la benoiste Vierge soient avec nous ! Holas, holas ! je naye. Debebebous, bebe, bous, bous. In manus. Vray Dieu, envoyé moy quelque daulphin pour me saulver en terre comme un beau petit Arion. Je sonneray bien de la harpe, si elle n’est dcsmanchêe.

— Je me donne à tous les diables, dist frere Jean (Dieu soit avec nous, disoit Panurge entre les dents), si je descends là, je te monstreray par évidence que tes couillons pendent au cul d'un veau coquart, cornart, escorné. Mgnan, mgnan, mgnan ! Viens icy nous aider, grand veau pleurart, de par trente millions de diables qui te saultent au corps ! Viendras tu, ô veau marin? Fy, qu’il est laid le pleurart ! — Vous ne dictes aultre cliose. — Ça, joyeux tirouoir en avant, que je vous espluche à contrepoil. Beatus vir qui non ahiit. Je sçay tout cecy par coeur. Voyons la legende de monsieur sainct Nicolas :

Horrida tempesUs montem turbavit acutum.

Tempeste fut un grand fouetteur d’escoliers au college de Montagu. Si, par fouetter pauvres petits enfans, escoliers innocens, les pédagogues sont damnés, il est, sus mon honneur, en la roue d’Ixion, fouettant le chien courtault qui l’esbranle; s’ilz sont par enfans innocens fouetter saulvés, il doibt estreau dessus des... »