LIVRE IV. CHAPITRE XXIV
■jens. Enfans, avez vous encores affaire de mon aide ? N’espargnez la sueur de mou corps, pour l’amour de Dieu. Adam, c’est l'homme, naquist pour labourer et travailler, comme l’oiseau pour voler. Nostrc Seigneur veult, entendez vous bien 1 que nous mangeons nostre pain en la sueur de nos corps, non pas rien ne foisans, comme ce pcnaillon do moine que voyez, Irere Jean, qui boit, et meurt de peur. Voicy beau temps. A ccste heure ■cognois je la response d’Anacharsis lo noble philosophe estre véritable' et bien on raison fondée, quand il, interrogé quelle navire luy sembloit la plus sceure, respondit : Celle qui seroit on port.
— Encores mieulx, dist Pantagruely quand il, interrogé desquels plus grand estoit le nombre, des mors ou des vivans, demanda : Entre lesquels comptez vous ceux qui navigent sus, mer? Subtilement signifiant que ceux qui sus mer navigent, tant prés sont du continuel daugier de mort qu’ilz vivent mourans, et meurent vivans.
« Ainsi Portius Çato disoit de trois choses seulement soy repentir. Sçavoir est s'il avoit jamais son secret à femme révélé ; si en oisiveté jamais avoit un jour passé, et si par mer il avoit peregriné en lieu aultrement accessible par terre.
— Par le digne froc que je porte, dist frero Jean à Panurge, couillon mon amy, durant la tempeste tu as eu peur sans cause et sans raison. Car tes destinées fatales ne sont à périr en eau. Tu seras hault en l’air certainement pendu, ou bruslé gaillard comme un perc. Seigneur, voulez vous un bon guaban contre la pluie? Laissez moy ces mantcaulx de loup et de bedouault. Faites escorcher Panurge, et de sa peau couvrez vous. N’approchez pas du feu, et ne passez pardevant les forges des mareschaulx, de par Dieu : en un moment, vous la voyriez en cendres ; mais à la pluie exposez vous tant que vouldrez, à la neige et à la greslc. Voire, par Dieu, jettez vous au plonge dedans je profond de l’çau, ja no serez pourtant mouillé. Faites en bottes d’hyver, jamais ne prendront eau. Faites en des nasses pour apprendre les jeunes gens à naiger : ilz apprendront sans danger.
— Sa peau donc, dist Pantagruel, seroit comme l’herbe dicte Cheveu de Venus, laquelle jamais n’est mouillée, ne romoilic, tousjours est seiche, encores qu’elle fust au profond de l’eau tant que vouldrez : pourtant, est dicte Adiantos.
— Panurge, mon amy, dist frère Jean, n’aye jamais peur de l’eau, je t’en prie. Par element contraire sera ta vie terminée. — Voire, respondit Panurçe, mais tes cuisiniers des diables resvent quelquefois, et. errent en leur office : et mettent souvent bouillir ce qu’on destinoit pour roustlr ; comme, en ia cuisine de céans, les maistres queux souvent lardent perdrix, ramiers et bizets, en intention (comme est vraysemblable) do les mettro
roustir. Advient toutesfois que les perdrix aux choux, les ramiers aux pourreaulx, et les bizets ilz mettent bouillir aux naveaulx.
O Escoutez, beaux amis : Je proteste devant la noble compaî^ie que, de la chapelle vouée à monsieur S. Nicolas entre Quande et Monssoreau, j’entends que sera une chapelle d’eau rose, en laquelle ne paistra vache ne veau, car je la jetteray au fond de l’eau. — Voylà, dist Eusthencs, le gallant. Voylà le "allant, gallant et demy ! C’est vérifié le proverbe lombardique :
Passato cl pcricolo, gabbato el santo. s
