CHAPITRE VI

COHMENT GARGANTDA NA80D1T EN FAÇON BIEN ESTRANGB '

Eux tenans ces menus propos de beuverie, Gargamelle commença se porter mal du bas; dont Grandgousier se leva dessus l’herbe, et la reconfortoit honnestement, pensant que ce fust mal d’enfant, et luy disant qu'elle s’estoit là herbée sous la saulsaye, et qu'en brief elle ferait piedz neufz . par ce, luy convenoit prendre couraige nouveau, au nouvel advenement de son poupon ; et, encores que la douleur luy fiist quelque peu enfascherie, toutesfois que icelle seroit briefve ; et lajoye, qui tost succederoit, lui toUiroit tout cest ennuy : en sorte que seulement ne luy en

p- ■■■ 1 b', jor.

GARGANTUA

restcroit la suubvenance. « Je le prouve, disoit-il ; nostre Saulveur dil en l’Evangile Joannis, xvi : La femme qui est à l’heure de son enfantement a tristesse; mais, lorsqu’elle a enfanté, elle n’a souvenir aulcun de son angoisse. — Ha, dist elle, vous dictes bien, et aime beaucoup mieulx ouir tels propos de l’Evangile, et beaucoup mieulx m’en trouve que de ouir la vie de saincte Mai|;uarite ou quelque autre caphardcrie.

— Couraige de brebis, disoit-il, despeschez vous de cestuy cy, et bien lost en faisons un aultre. — Ha, dist elle, tant vous parlez à vostre aise, vous aultres hommes! Bien, de par Dieu, je me parforceray, puisqu’il vous plaist. Mais pleust à Dieu que vous l’eussiez coupé ! — Quoy? dist (Irandgousier. — Ha, dist elle, que vous estes bon homme ! vous l’entendez bien. — Mon membre ? dist il. Sang de les cabres! si bon vous sefoble, faictes apporter un Cousteau.

— Ha, dist elle, ja Dieu ne plaise! Dieu me le pardoint, je ne le dis de bon cœur, et, pour ma parole, n’en faictes ne pys ne moins. Mais j’auray prou d’affaires aujourd’huy, si Dieu ne me aide, et tout par vostre membre, que vous fussiez bien aise !

— Couraige, couraige! dist il; ne vous souciez au reste, et laissez faire aux quatre bœufs de devant. Je m’en vais boire encores quelque veguade. Si ce pendant vous survenoit quelque mal, je me tiendray prés : huschant en paulme, je me rendray à vous. »

Peu de temps après elle commença à souspirer, lamenter et crier. Soudain vindrent à tas sages femmes de tous costés. Et, la tastans par le bas, trouvèrent quelques pellauderies assez de maulvais goust, et pensaient que ce fust l'en&nt ; mais c’estoit le fondement qui luy escappoit, à la mollification du droit intestin, lequel vous appelez le boyau cullier, par trop avoir mangé des tripes, comme avons declairé cy dessus.

Dont une horde vieille de la compaignie, laquelle avoit réputation d’estre grande medicine, et là estoit venue de Brisepaille, d’auprès Sainct €enou, devant soixante ans, luy fit un restrinctif si horrible que tous ses larrys tant furent oppilés et reserrés qu’à grand peine avec les dents vous les eussiez eslargis, qui est chose bien horrible à penser, mesmement que le diable, à la messe de sainct Martin, escrivant le caquet de deux gualoises, à belles dents alongea son parchemin.

Par cest inconvénient furent au dessus relaschés les cotylédons de la matrice, par lesquelz sursaulta l’enfant, et entra en la vene creuse ; et gravant par le diaphragme jusques au-dessus des espaules, où ladite vene se part en deux, print son chemin à gauche, et sortit par l’oreille senestre. Soudain qu’il fut né, ne cria, comme les aultres enfans ■ Mies, mies, mies ; mais, à baulte voix, s’escrioit : « A boire, à boire, à boire ! »