LIVRE I, CHAPITRE VII

comme invitant tout le monde à boire, si bien qu’il Ait ouy de tout 1» j«ys de Bcussc et de Bibarois.

Je me doubte que ne croyez asseurement ceste estrange nativité. Si ne • le croyez, Je ne m’en soucie, mais un homme de bien, un homme de bon sens croit tousjours ce qu’on luy dit, et qu’il trouve par escrit.

Ne dit Salomon, Proverbiorum xiv : Innocens crédit omni verbo^ etc. ? Et sainct Paul, prim. Corinthior. xiii : Charitas omnia crédit ? Pourquoy ne le croiriez vous ? Pour ce, dictes vous, qu’il n’y a nulle apparence. Je vous dis que, pour ceste seule cause, vous le devez croire, en foy parfaicte. Car les sorbonistes disent que foy est argument des choses de nulle apparence.

Est ce contre nostre loy, nostre foy, contre raison, contre la saincte • Escriture? De ma part, je ne trouve rien escrit es Bibles sainctes qui soit contre cela. Mais, si le vouloir de Dieu tel eust esté, diriez vous qu’il ne l’cust pu faire? Ha, pour grâce, n’emburelucoquez jamais vos esprits de ces vaines pensées. Car je vous dis que à Dieu rien n’est impossible. Et, s’il vouloit, les femmes auraient dorénavant ainsi leurs enfants, jiar l’oreille.

Bacchus ne fut il pas engendré par la cuisse de Jupit^ ?

Bocquetaillade na^quit il pas du talon de sa mere?

Crocquemouchc, de la pantoufle de sa nourrice?

. Minerve nasquit elle pas du cerveau par l'oreille de Jupiter?

Adonis, par l’escorce d’une arbre de mirrhe?

Castor et PoIIux, de la cocque d’un œuf pont et esclos par Leda?

Mais vous seriez bien davantaige esbahis et estonnés si je vous expo- .sois présentement tout le chapitre de’ Pline, auquel parle des enfantemens estranges et contre nature. Et toutesfois je ne suis point menteur tant asseuré comme il a esté. Lisez le septiesme de sa Naturelle Histoire, chap. iii, et ne m'en tabustez plus l’entendement.