COMMENT PANTAGRUEL ROMPIT LES ANDOUILLES AUX GENOULX

Tant approchèrent ces andouilles que Pantagruel apperceut comment elles desployoient leurs bras, et ja commençoient baisser bois. Adonc envoyé Gymnaste entendre ce qu’elles voulaient dire, et sus quelle querelle elles vouloient sans défiance guerroyer contre leurs amis antiques, qui rien n'avoient mesfaict ne mesdict. Gymnaste au davant des premières fillicrss fit' une grande et profonde reverence, et s’escria tant qu’il peult, disant : « Vostres, vostres, vostres sommes nous trestous, et à commandement.

Gabaonite,

Bubarin,

Crocodillet,

Pretinguant,

Balafré,

Maschourré.

Tous tenons de Mardi gras, vostre antique confédéré. » Aucuns depuis me ont raconté qu'il dist Gradimars, non Mardigras. Quoy que soit, à ce mot un gros cervelat saulvaige et farfelu, anticipant davant le front de leur bataillon, le voulut saisir à la guorge. « Par Dieu, dist Gymnaste, tu n’y entreras qu’à taillons ; ainsi entier ne pourrois-tu. » Si sacque son cspée Baise mon cul (ainsi la nommoil il) à deux mains, et trancha le cervelat en deux pièces. Vray Dieu, qu’il estoit gras ! Il me . souvint du gros Taureau de Berne, qui fut à Marignan tué à la dcfaicte des Souisses. Croyez qu’il n’avoit gueres moins de quatre doigts de lard sus le ventre. Ce cervelat ecervelé, coururent andouilles sus Gymnaste, et le terrassoient vilainement, quand Pantagruel avec ses gens accourut le grand pas au secours. Adonc commença le combat martial pelle melle. Riflandouilles rifloit andouilles. Tailleboudin tailloit boudins. Pantagruel rompoit les andouilles au genoil. Frere Jean setenoit coy dedans sa Truye, tout voyant et considesant, quand les guodiveaulx, qui estoient en embuscade, sortirent tous en grand effroy sus Pantagruel. Adonc voyant frere Jean le desarroy et tumulte, ouvre les portes de sa Truye, et sort avec ses bons soubdars, les uns portant broches de fer, les aullres tenans landiers, contrehastiers, paesles, pales, cocquasses, grislcs, fourgons, tenailles, lichefretes, ramons, marmites, mortiers, pilons, tous en ordre comme brusleurs de maisons ; hurlans et crians tous ensemble espouvantablement : Nabutardan, Nahuzardan, Nabuzardan. En telz cris et esmeute chocquerent les podiveaulx, et à travers les saulcissons. Les andouilles soubdain apperceureat ce nouveau renfort, et se mirent en fuite le grand gallop, comme s’elles eussent veu tous les diables. Frere Jean à coups de bedaines les abbatoit menu comme mousches ; ses soubdars ne s’y cspai>gnoient mie. C’estoit pitié. Le camp estoit tout couvert d’andouilles mortes ou navrées. Et dit le conte que si Dieu n’y eust pourveu, la génération andouillicque eust par ces soubdars esté exterminée. Mais il advint un cas merveilleux. Vous en croirez ce que vouldrez. Du cousté de la Transmontane advola un grand, gras, gros, gris pourceau, ayant aisles longues et amples, comme sont les aisles d’un moulin à vent. Et estoit le pennage rouge cramoisi, comme est d’un phœnicoptere, qui en Languegoth est appellé Flammant. Les œilz avoit rouges et flamboyans, comme un Pyrope. Les oreilles verdes comme une esmeraude prassine; les dents jaulnes comme un topaze ; la queue longue, noire comme marbre Lucullian ; les pieds blancs, diaphanes et transparens conune un diamant, et estoient largement pattés, comme sont les oyes, et comme jadis à Tholosc les portait la royne Pedaucque. Et avoit un collier d’or au coul, autour duquel estoient quelques lettres Ioniques, desquelles je ne peuz lire que deux