LIVRE IV, CHAPITRE XLIV

chargées. O le grand bien qu’il feroit à ma jambe Œdipodicque ! Les grosses ne sont les meilleures. — Mais, dist Panurge, une grosse botte de ce bon vin de Languegoth, qui croist à Mirevaulx, Canteperdris et Fronügnan! »

Je y vis un homme de bonne apparence bien ressemblant à la ventrosc, amerement courroussé contre un sien gros, grand varlct et un petit page, et les battoit en diable, à grands coups de brodequin. Ignorant la cause du courroux, pensois que fust par le conseil des médecins, comme chose salubre au maistre soy courrousser et battre, aux varletz cstre battuz. Mais je ouyz qu’il reprochoit aux varletz lui avoir esté robbé à demy une oyre de vent Guarbin, laquelle il gardoit chèrement, comme viande rare pour l'arriére saison. Hz ne fiantent, ilz ne pissent, ilz ne crachent en ceste isle. En recompense, ilz vessent, ilz petteut, ilz rottent copieusement. Hz pâtissent toutes sortes et toutes especes de maladies. Aussi toute maladie naist et procédé de ventosité, comme déduit Ilyppocrates, lib. de Flatibus. Mais la plus epidemiale est la cholique venteuse. Pour y remédier, usent de ventôses amples, et y rendent force ventosités. Hz meurent tous hydropicques tympanites, et meurent les hommes en pétant, les femmes en vesnant. Ainsi leur sort l’ame par le cul.

Depuis, nous pourmenans par l’isle, rencontrasmes trois gros esventés, lesquelz alloient à l’esbat voir les pluviers, qui là sont en abondance, et vivent de mesme diete. Je advisay que ainsi, comme vous, beuveurs, allans par pays portez ilaccons, ferrieres et bouteilles : pareillement chascun à sa ceincture portait un beau petit soufflet. Si par cas vent leui failloit, avec ces jolis soufQetz ilz en forgeoient de tout frais, par attraction et expulsion réciproque, comme vous sçavez que vent, en essentialc définition, n’est aultre chose que air flottant et ondoyant. En ce moment, de par leur roy, nous fut faict commandement que de trois heures n’eu.<vsions à retirer en nos navires homme ne femme du pays. Car on luy avoit robbé une veze pleine du vent propre que jadis à Ulysses donna le bon ronfleur Æohis pour guider sa nauf en temps calme. Lequel il gardoit religieusement, comme un autre Sangréal, et en guerissoit plusieurs énormes maladies, seulement en laschant et eslargissant es malades autant qu'en fauldroit pour forger un pet virginal : c'est ce que les sanctimoniales appellent sonnet.